Almatyda 2025 jyldyń qorytyndysy boıynsha kásípkerlíktí qoldauǵa arnalǵan memlekettík baǵdarlamalar ayasynda «Damu» qory jalpy nesıe somasy 315,7 mlrd teńge bolatyn 1,4 myń jobany qoldady, – dep habarlaıdy aqshamnews.kz tílshísí.
Óńírlík kommunıkatsıyalar qyzmetíníń alańynda ótken baspasóz konferentsıyasynda «Damu» kásípkerlíktí damytu qorynyń Almaty qalasy boıynsha bólímshesíníń dırektory Jandos Nūrǵazınov osylaı dep málímdedí.
Onyń aıtuynsha, qor jūmys ístegelí berí qalada jalpy somasy 2,6 trln teńgeden asatyn shamamen 21 myń joba qoldau alypty.
«Damu» qorynyń negízgí míndetí – shaǵyn jáne orta bıznestí qoldau, kásípkerlík belsendílíktí damytu men jańa jūmys ornyn qūru. Almaty – elímízdegí eń úlken ískerlík ortalyq, sondyqtan mūnda kásípkerlerdí qoldauǵa da kóp kóńíl bólínedí», – deıdí Jandos Nūrǵazınov.
Byltyr qoldau tapqan jobanyń íshínde 353 joba 55,5 mlrd teńge kólemínde paıyzdyq mólsherlemení subsıdıyalau túrínde qoldau aldy. Sonymen qatar, 432 joba 91,2 mlrd teńge somasyna kepíldendíru tetígín paıdalansa, taǵy 589 joba 168,9 mlrd teńge kólemínde jeńíldetílgen qarjylandyruǵa ıe boldy.
Qoldau kórsetílgen jobalardy íske asyrudyń arqasynda kásípkerler 5,4 trln teńgeníń ónímín óndíríp, qyzmet kórsettí. Sonymen qatar, byudjetke 558 mlrd teńge salyq tústí, 3,1 myń jańa jūmys orny qūrylyp, 21 myńǵa juyq jūmys orny saqtaldy.
Ekonomıkanyń naqty sektory memlekettík qoldaudyń basym baǵyty bolyp qalyp otyr. Qarjylandyrudyń jalpy kólemíníń úshten bírínen astamy – 100,4 mlrd teńge óńdeu ónerkásíbíne baǵyttaldy. Sondaı-aq kólík jáne logıstıka, turızm, bílím beru men densaulyq saqtau salasyndaǵy jobalarǵa da eleulí qoldau kórsetíldí.
Qoldau alǵandardyń shamamen 90%-yn mıkro jáne shaǵyn kásípkerlík nysany. Qoldau tapqan jobanyń 44%-y áıel kásípkerlerge tıesílí eken.
Bıznestí qoldau jūmysy bıyl da jalǵasty. Tek bıylǵy bes aıda ǵana jalpy somasy 46 mlrd teńgege juyq 304-ten astam shaǵyn jáne orta bıznes jobasyna qoldau kórsetíldí.
Spıkerdíń aıtuynsha, búgínde kásípkerlerge qarjylyq jáne qarjylyq emes qoldau qūraldary qoljetímdí. Eń sūranysqa ıe tetíktíń qatarynda nesıelerdí kepíldendíru, «Órleu» baǵdarlamasy ayasyndaǵy jeńíldetílgen nesıeleu, jyldyq mólsherlemesí 12,6% bolatyn lızıngtík qarjylandyru (nesıe somasy 7 mlrd teńgege deıín, merzímí 10 jylǵa deıín), sondaı-aq «Ísker aımaq» baǵdarlamasy boıynsha paıyzdyq mólsherlemení subsıdıyalau mehanızmí bar.
«Kóp jaǵdaıda kásípkerlerdíń jobasy ómírsheń bolǵanymen, kepíldík múlkí jetkílíksíz bolyp qalyp jatady. Mūndaı jaǵdaıda Qor bank aldyndaǵy nesıe somasynyń 85%-yna deıín kepíldík beredí», – dep atap óttí Jandos Nūrǵazınov.
Jeńíldetílgen nesıeler myna maqsatqa beríluí múmkín:
• jabdyqtar satyp aluǵa;
• óndírístí jańǵyrtuǵa;
• bıznes nysandaryn salu men keńeıtuge;
• aınalym qarajatyn tolyqtyruǵa;
• jańa ınvestıtsıyalyq jobalardy íske qosuǵa.
Qarjylyq qoldaudan bólek, kásípkerlerge «bír tereze» qaǵıdaty boıynsha keńes te beríledí. Qor janyndaǵy front-ofısterde «Báıterek» ŪBH» AQ-nyń bıznestí qoldau baǵdarlamalary boıynsha aqparat aluǵa, sondaı-aq qarjylandyrudyń qolaıly qūraldaryn tańdauǵa kómek aluǵa bolady.
Jeke kásíbín ashudy josparlaǵan azamattarǵa arnalǵan «Armannan íske» baǵdarlamasy jańa baǵyttyń bírí. Baǵdarlamaǵa qatysushylar kásípkerlík negízderí boıynsha oqudan ótíp, bıznes-jobalardy ázírleu kezínde súıemeldeuge ıe bolady. Keıín olar Qordyń 90%-ǵa deıíngí kepíldígímen 200 mln teńgege deıín jeńíldetílgen qarjylandyruǵa úmítker bola alady.
«Bízdíń míndetímíz – memlekettík qoldau sharalaryn bıznes auqymy men tūrǵylyqty óńíríne qaramastan ár kásípker úshín barynsha qoljetímdí árí túsíníktí etu», – dep túıíndedí sózín Jandos Nūrǵazınov.