Almatynda balalardy mektepke deıíngí bílímmen qamtu deńgeıí 96,1%-ǵa jetíp, balabaqsha kezegí 46%-ǵa qysqardy, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde Bílím basqarmasynyń basshysy Sáken Aralbaev osylaı dedí.
Qalada mektepke deıíngí 1 097 ūıym jūmys ístese, onda 88 219 bala tárbıeleníp jatyr. Onyń 201-í memlekettík, 896-sy jekemenshík balabaqsha.
Oń ózgerístíń negízgí faktorynyń bírí mektepke deıíngí bílím berudí vaucherlík qarjylandyrudyń pılottyq jobasyn íske asyru boldy. Byltyrǵy shílde aıynan bastap qarjylandyru jan basyna shaqqandaǵy qaǵıdat boıynsha júzege asty, yaǵnı qarajat tíkeleı balaǵa baǵyttalady.
«Ata-analarǵa balabaqshadan oryn alu múmkíndígí turaly 200 myńnan astam habarlama jíberílíp, 115 myńnan astam vaucher beríldí. Sonyń nátıjesínde mektepke deıíngí bílímmen qamtu deńgeıí 96,1%-ǵa deıín ósíp, kezekte tūrǵan bala sany 40 747-den 22 116 balaǵa deıín qysqardy», – dedí Sáken Aralbaev.
Oryn tapshylyǵyn sheshu maqsatynda 2025 jyly Almatyda 375 oryndyq ekí memlekettík balabaqsha paıdalanuǵa beríldí. Sonymen qatar, jūmys ístep tūrǵan mektepke deıíngí ūıymǵa 70 oryndyq qosymsha ǵımarat salyndy.
Bıyl qalada jalpy sany 5 375 orynǵa arnalǵan 62 balabaqshany ashylmaq. Onyń íshínde 6 memlekettík balabaqsha 1 420 oryndy qamtamasyz etedí, 36 jekemenshík balabaqshada taǵy 2 181 jańa oryn ashylmaqshy.