Jazǵy demalys bastalǵaly berí Almatyda jaraqat alǵan balalardyń sany jyldaǵydaı artyp barady, – dep habarlaıdy aqshamnews.kz tílshísí.
Sonyń íshínde eń kóp kezdesetíní - átkenshekte, turnık pen sport alańynda alǵan jaraqat pen velosıped, samokat pen rolıktí konkı teuíp júríp jaraqat alǵandary. Óńírlík kommunıkatsıyalar qyzmetínde joǵary sanatty dáríger, Balalarǵa shūǵyl medıtsınalyq kómek kórsetu ortalyǵynyń travmatolog-ortopedí Baqyt Qojahanov osylaı dedí.
Mamannyń aıtuynsha, jaz mezgílínde Balalarǵa shūǵyl medıtsınalyq kómek kórsetu ortalyǵynyń travmpunktíne kún saıyn ártúrlí jaraqat alǵan 300-deı bala kómek sūrap keledí eken.
«Velosıped, samokat teuíp, turnık pen oıyn alańynda júríp alǵan kóshedegí jaraqat bírínshí orynda tūr. Balalar futbol oınaıdy, qūlap, qol-ayaǵyn syndyryp, shyǵaryp alady. Típtí jaı ǵana júgíríp kele jatyp qūlaǵannyń ózínen de auyr jaraqat aluy múmkín», — deıdí Baqyt Qojahanov.
Jyl saıyn travmatologıyalyq punkt 32 myńnan astam nauqasty qaraıdy. Balalarǵa shūǵyl medıtsınalyq kómek kórsetu ortalyǵyna jalpy 53 myńnan astam bala medıtsınalyq kómekke júgínedí. Shamamen 3 myń bala jyl saıyn statsıonarda em alady.
Dárígerdíń aıtuynsha, qaladaǵy halyq sany ósíp bara jatqandyqtan, balalar jaraqaty da jyl saıyn 5–10%-ǵa artyp barady eken.
Mamandardy jylda trezeden qūlap jatqan balalar da alańdatyp otyr. Jyl saıyn Almatyda dál osyndaı 7–10 oqıǵa tírkeletín kórínedí.
Terezesí ashyq bólmege, qorǵanysh qūraly joq úıge qarausyz tastap ketetíndíkten, kóbínese 3–5 jas aralyǵyndaǵy balalar kóp zardap shegedí.
«Ata-anasynyń qauíptí eskermeuí osyndaı oqys oqıǵaǵa túrtkí bolyp jatady. Kíshkentaı balalardy qarausyz qaldyruǵa múldem bolmaıdy. Terezege qorǵanysh qūrylǵylar ornatu qajet», — deıdí Baqyt Qojahanov.
Onyń aıtuynsha, Almatyda auyr jaraqat alǵan balalarǵa táulík boıy ekí mamandandyrylǵan balalar auruhanasy medıtsınalyq kómek kórsetedí. Bıyl terezeden qūlaǵan balalar ázírge tírkele qoımapty.
Maman sondaı-aq ata-analarǵa jedel járdem kelgenge deıín alǵashqy kómek kórsetu erejelerín eske saldy. Bala qūlaǵan jaǵdaıda onyń jaǵdaıyn baǵalap, qan ketse toqtatuǵa tyrysyp, dereu dáríger shaqyru qajet.
«Jedel járdem kelgenge deıín balaǵa su, tamaq nemese auyrsynudy basatyn dárí beruge bolmaıdy. Būl shūǵyl medıtsınalyq kómektí qıyndatyp, qajettí protseduralarǵa daıyndyq uaqytyn ūzartady», — dep túsíndírdí dáríger.
Baqyt Qojahanovtyń aıtuynsha, eń kóp jaraqat alatyndar 5 pen 15 jas aralyǵyndaǵylar, balalar osy kezde óte belsendí bolǵandyqtan, kóbíne kóshede oınap júríp kóp jaraqat alady eken.