Almaty eńbek naryǵynyń qajettílígíne saı tehnıkalyq jáne kásíptík bílím beru júıesín jańǵyrtyp jatyr, – dep habarlaıdy aqshamnews.kz tílshísí.
Bıylǵy oqu jylynda qala kolledjderíne memlekettík bílím beru tapsyrysy ayasynda 17 491 oryn bólíndí. Būl turaly Óńírlík kommunıkatsıyalar qyzmetíníń alańynda Almaty qalasy Bílím basqarmasynyń basshysy Sáken Aralbaev málímdedí.
Onyń aıtuynsha, 2026 jyly sūranysqa ıe dayarlau baǵyttarynyń tízímí keńeıtíledí. Memlekettík bílím beru tapsyrysyn jyljymaıtyn múlíktí basqaru, medıtsınalyq-profılaktıkalyq ís, estetıkalyq kosmetologıya, órt qauípsízdígí, mehatronıka, grafıkalyq anımatsıya tehnıgí, ekologıyalyq turızm menedjerí mene jańartylatyn energetıka sıyaqty jańa mamandyqtar boıynsha ornalastyru josparlanyp otyr.
Studentterdíń teorıyalyq bílímín óndírístík tájírıbemen ūshtastyruǵa múmkíndík beretín dualdy oqytudy damytuǵa kóp kóńíl bólíndí. Qazír dualdy bílím beru júıesíne qalanyń 52 kolledjí qatysyp jatyr. Olar 770 kásíporynmen 22 067 kelísímshart jasaǵan.
«Búgínde memlekettík bílím beru tapsyrysy boıynsha oqıtyn studentterdíń 43%-y dualdy oqytu júıesímen bílím alyp jatyr. Salystyrsaq, ótken jyly būl kórsetkísh 38% bolǵan», – dedí Sáken Aralbaev.
Inklyuzıvtí bílím berudí damytu mańyzdy baǵyttyń bírí bolyp qala beredí. Bıylǵy oqu jylynda Almatynyń úsh kolledjínde múmkíndígí shekteulí 351 student bílím alyp jatyr. Onyń íshínde 161 student ınklyuzıvtí toptarda oqysa, taǵy 190 student erekshe bílím beru qajettílígí bar adamdarǵa arnalǵan arnauly toptarda bílím alyp jatyr.
Bıyl taǵy ekí kolledj ınklyuzıvtí bílím beru baǵdarlamasy boıynsha talapkerlerdí qabyldaı bastaıdy.
Básekege qabílettí mamandar dayarlau jáne akademıyalyq ūtqyrlyqty damytu maqsatynda almatylyq kolledjder halyqaralyq yntymaqtastyqty keńeıtude. Halyqaralyq taǵylymdamalar baǵdarlamalary ayasynda 110 student Qytaıda, 89 student Túrkıyada bílím alyp, taǵy 20 student Germanıyanyń írí kásíporyndarynda óndírístík tájírıbeden óttí.
Basqarma basshysynyń aıtuynsha, qolǵa alynǵan jūmys kadrlardy dayarlau sapasyn arttyrvp, zamandyq bílím beru tásílín engízíp, Almatynyń tehnıkalyq jáne kásíptík bílím beru júıesín odan árí jańǵyrtuǵa baǵyttalǵan.