Memleket basshysy Qasym-Jomart Toqaev el jastaryna úndeu jasap, jańa Konstıtutsıya jobasyna qatysty referendumda belsendí boluǵa shaqyrdy. Prezıdent jastardyń tańdauy el taǵdyry úshín mańyzdy ekenín aıtyp, olardyń dauysy Qazaqstannyń Táuelsízdígí, Egemendígí men aumaqtyq tūtastyǵyn qorǵauǵa baǵyttalǵan qaǵıdattardy qoldaudyń belgísí bolatynyn atap óttí, dep habarlaıdy Aqshamnews.kz tílshísí.
Prezıdent Jańa Konstıtutsıyanyń mazmūny shyn mánínde halyqtyq sıpatqa ıe. Būl mańyzdy qūjat jūrtymyzǵa, ásírese, óskeleń ūrpaq pen jastardyń ıgílígíne qyzmet etedí dep atap óttí.
Jańa Konstıtutsıya – jastarǵa ómírde baǵyt-baǵdar sílteıtín temírqazyq íspettes. Óıtkení ózgerísterge toly jańa dáuírde eldíń de, jerdíń ıesí, qorǵany – jastar.
Sondyqtan būl qūjatty Qazaqstannyń aldaǵy onjyldyqtardaǵy ornyqty damuyna negíz qalaıtyn sayası tūǵyry desek, qatelespeımíz.
Qasym-Jomart Toqaev:
Barsha azamatqa, ásírese, jas otandastarymyzǵa qarata arnaıy úndeu jasaǵym keledí. Jańa Konstıtutsıya jobasy, eń aldymen, Sízderge arnalǵan.
Sízderge referendumda dauys beríp, Otanymyzdyń taǵdyryna qatysyńyz bar ekeníńízdí bíldíretín oraıly múmkíndík beríldí. Basqasha aıtqanda, Sízder Ata zańǵa úles qosqan azamattar retínde el tarıhyna óz esímderíńízdí jazyp qaldyra alasyzdar.
Bíraz uaqyt ótken soń, ómír kóríp, eseıgen shaǵyńyzda: «Men azamattyq paryzymdy oryndadym. Elímníń jańa Ata zańyn qabyldauǵa óz úlesímdí qostym» dep maqtanyshpen aıtuǵa tolyq qūqyńyz bar.
Qymbatty otandastar, Sízderdíń tańdaularyńyz – byulleten qaǵazyndaǵy jaı ǵana belgí emes. Ol – naǵyz Halyq Konstıtutsıyasy jobasyna kórsetken naqty qoldauyńyz. Jastar Qazaqstandy damudyń dańǵyl jolyna saluǵa atsalysady.
Kúní erteń yntymaq-bírlígí jarasqan, eńbekqor, zańǵa baǵynatyn, bílím, ǵylym, mádenıet jáne zaıyrlylyq qūndylyqtary berík ornyqqan, jappaı tsıfrlandyru men jasandy ıntellekt kúndelíktí ómírdíń ajyramas bólshegíne aınalatyn qoǵam qūru mıssıyasy Sízderge júkteledí.
Sízdíń dauysyńyz naǵyz jasampaz otanshyldyqtyń, azamat retínde el keleshegí úshín jauapkershílík arqalaudyń qandaı bolatynyn kórsetedí».
Memleket basshysy Q.K. Toqaev búgínde 90 myńnan astam jastarymyz shetelde kedergísíz bílím aluda. Bíz ár adamǵa zor múmkíndík beretín elde ómír súríp jatyrmyz. Jaqynda ótetín referendum – sondaı keremet múmkíndíktíń bíregeıí.
15 nauryzda ár azamatymyz Qazaq elíníń jasampazdyq jylnamasyna óz qoltańbasyn qaldyra alady. Būl – naǵyz tarıhı sát. Mūndaı sát únemí bola bermeıdí.
Osy oraıda, men Qazaqstan jastaryna taǵy da arnaıy úndeu jasaǵym keledí.
Referendumǵa belsene qatysu – el taǵdyryna beı-jaı qaramau degen sóz. Sol kúní óz tańdauyńdy jasau – tuǵan eldíń jarqyn bolashaǵyn óz qolyńmen qūru degen sóz.
Uaqyt ótedí, al Qazaqstan jańa Konstıtutsıyanyń arqasynda qaryshtap damı beredí. Kóp ūzamaı álemdegí eń ozyq eldíń bíríne aınalady.
Sol kezde «Qasterlí Otanymdy osy bıíkke jetkízgen joldy tańdauǵa men de atsalystym» dep, maqtanyshpen aıta alasyzdar. Al, keıíngí buyn ózderíńízge árdaıym rızashylyǵyn bíldíríp júredí.