Memleket basshysy Japonıya Parlamentíníń Qazaqstanmen dostyq lıgasynyń tóraǵasy Yasutoshı Nıshımurany qabyldady, – dep habarlaıdy aqshamnews.kz tílshísí.
Qasym-Jomart Toqaev Yasutoshı Nıshımurany Japonıya Parlamentíníń Qazaqstanmen dostyq lıgasynyń tóraǵasy bolyp taǵaıyndaluymen qūttyqtady.
Kezdesu barysynda ózara yntymaqtastyqtyń qazírgí jaı-kúıí men perspektıvasy, parlamentaralyq baılanystardy nyǵaıtu máselelerí qarastyryldy.
Prezıdent Japonıya elímízdíń Azıyadaǵy negízgí árí senímdí seríktesí ekenín atap óttí.
Memleket basshysy byltyr Tokıoǵa jasaǵan resmı saparynyń nátıjesínde qol jetkízílgen uaǵdalastyqtardyń júzege asyrylu barysyna toqtalyp, ekíjaqty sauda-ekonomıkalyq jáne ınvestıtsıyalyq yqpaldastyqty arttyru múmkíndíkterí zor ekeníne nazar audardy.
– Bíz Tokıomen keńeıtílgen strategıyalyq yqpaldastyqty tereńdetuge aıryqsha mán beremíz. Men byltyr Japonıyaǵa resmı saparmen bardym. Onyń qorytyndysy qazaq-japon baılanystaryn jańa deńgeıge kóterdí. Sapar ayasynda qūrmettí Sanae Takaıchı hanymmen ekíjaqty qarym-qatynastyń barlyq baǵytyn qamtıtyn bírlesken málímdemege qol qoıdyq. Sapar kezínde sauda, ǵylym jáne bílím, tsıfrlandyru, ekologıya, auyl sharuashylyǵy salasyna qatysty 17 vedomstvoaralyq mańyzdy qūjat bekítíldí. Qos memlekettíń bıznes ókílderí túrlí baǵytta jalpy qūny 3,7 mıllıard dollar bolatyn 60-tan astam qūjatqa qol qoıdy. Tokıoda «Ortalyq Azıya – Japonıya» dıalogynyń alǵashqy sammıtín tabysty ótkízdík. Būl alqaly jıyn aımaqaralyq baılanystardy kúsheıtuge septígín tıgízgení sózsíz, – dedí Qasym-Jomart Toqaev.
Memleket basshysy atalǵan sammıt kelesí jyly Astanada ótetínín eske salyp, oǵan daıyndyq jūmystary bastalyp ketkenín jetkízdí.
Sonymen qatar Prezıdent pen Dostyq lıgasynyń tóraǵasy mádenı-gumanıtarlyq baılanystardy talqylady.
Qasym-Jomart Toqaev Qazaqstanda Japonıyanyń mádenıetí men dástúrlí sport túrleríne, ásírese sumo jáne dzyudo kúresteríne qyzyǵushylyq artyp kele jatqanyn aıtyp, qazaqstandyq sumoshy Kımbozan Harukıdíń (Ersín Baltaǵūl) jetístíkteríne toqtaldy.
Yasutoshı Nıshımura arnaıy uaqyt tauyp júzdeskení úshín Memleket basshysyna alǵys aıtty. Sondaı-aq Japonıya Parlamentí Qazaqstanmen kópjosparly yqpaldastyq ayasyn keńeıtuge daıyn ekenín rastady.