Kezdesude qazaqy ıt tūqymdaryn saqtau jáne tūraqty genetıkalyq qoryn qalyptastyru ísínde halyqaralyq federatsıyamen yntymaqtastyq perspektıvasy talqylandy, – dep habarlaıdy aqshamnews.kz tílshísí.
Qasym-Jomart Toqaev qazaq tazysyn aldyn ala tanuǵa oń septígín tıgízgení úshín Tamash Yakkelge alǵys aıtty. Būl sheshím 2024 jyly Amsterdamda ótken Halyqaralyq kınologıya federatsıyasy (FCI) Bas komıtetíníń otyrysynda qabyldanǵan edí.
Memleket basshysynyń aıtuynsha, tazy jáne tóbet tūqymdaryn saqtau tek kınologıya tūrǵysynan emes, sondaı-aq dástúrlí tūrmys saltymen tyǵyz baılanysty tarıhı-mádenı qūndylyq retínde aıryqsha mańyzǵa ıe. It – qazaq halqynyń dúnıetanymynda jetí qazynanyń bírí sanalady.
Júıelí jūmys nátıjesínde búgínde Qazaqstan kınologtar odaǵynyń Bíryńǵaı asyl tūqymdy ıtter kítabynda 4 myńǵa juyq tazy tírkelgen. Tıístí zańnamalyq aktíler qabyldandy.
Būdan bólek, kóp ūzamaı Jetísu oblysynda sūryptau jūmystarymen aınalysatyn jáne ıt asyraushylarǵa ǵylymı-kınologıyalyq qoldau kórsetetín Ūlttyq ortalyq ashylmaq.
Halqymyzdyń asyl qazynasyn dárípteu maqsatynda bıyldan bastap 3 qyrkúıekte Qazaqy tazy men tóbet kúní atalyp ótedí.
Óz kezegínde Tamash Yakkel qazaqy ıt tūqymdaryn saqtauǵa aıryqsha qamqorlyq kórsetíp otyrǵan Memleket basshysyna rızashylyǵyn bíldírdí.
Sonymen qatar Prezıdentke álemníń 100 elín bíríktíretín FCI qyzmetí turaly málímet berdí.