Búgín Abaı unıversıtetínde «Bos oryndar jármeńkesí» bolyp óttí, – dep habarlaıdy aqshamnews.kz tílshísí.
Maqsaty – joǵary oqu ornyn támamdaǵaly otyrǵan túlekterdí jūmys berushílermen tíkeleı baılanystyryp, olardyń kásíbı baǵdaryn aıqyndauǵa kómektesu. Jármeńkede 250-juyq mekeme jas mamandarǵa arnalǵan bos jūmys oryndaryn ūsynyp, bolashaq pedagogtardy ózderíne jūmysqa shaqyrdy.
Abaı unıversıtetínde jūmys berushílermen seríktestík jyldan-jylǵa nyǵaıyp kele jatyr. Máselen, unıversıtet byltyr 64 mekememen memorandumǵa otyrsa, bıyl būl kórsetkísh 78-ge jetken. Sonymen qatar 175 bílím beru ūıymymen tūraqty kelísímshart negízínde tájírıbe bazasy retínde jūmys ísteıdí. Būl – sapaly maman dayarlaudaǵy naqty nátıje.
Jūmys berushíler ózderíne qajettí sapaly kadr tańdauda osyndaı ís-sharalardyń mańyzdy ekenín aıtady. Solardyń bírí unıversıtet keshegí túlegí, búgíngí Almaty qalalyq №171 mekteptíń dırektory Nūrdaulet Seríkūly:
– Bíz osy bílím ordasynda sapaly bílím men taǵylymdy tárbıe aldyq. Ūstazdardan úırengenímíz kásíbı ómírímízde úlken ról atqardy. Tabysqa jetudíń basty joly – adal eńbek pen úzdíksíz ízdenís, – deıdí.
Bos jūmys oryndar jármeńkesíne elímízdíń túkpír-túkpírínen kelgen 250-ge juyq mekeme qatysty. Olardyń qatarynda mektepter, kolledjder, balabaqshalar men bílím beru ūıymdary bar. Jūmys berushíler jármeńkede túrlí baǵyttaǵy 1214 bos jūmys ornyn ūsyndy.
Ís-shara ayasynda «mansap-bosoryn.kz» tsıfrlyq platformasy tanystyrylyp, túlekterge onlaın túrde jūmysqa ótíním beru múmkíndígí ís júzínde kórsetíldí Mūnda bos jūmys oryndary jarıyalanyp, bítírushí túlekter tíkeleı ótíním bere alady. Jíberílgen ótínímder bírden jūmys berushíníń elektrondy poshtasyna jáne WhatsApp baılanys nómíríne joldanady. Sol arqyly jūmysqa ornalasu úderísí jedel, ashyq árí tıímdí formatta júrgízíledí.
Aıta keteıík, bıyl Abaı unıversıtetín bakalavrıat deńgeıínde 81 bílím beru baǵdarlamasy boıynsha 2800 student támamdaıdy. Olardyń basym kópshílígí shet tílí, qazaq tílí men ádebıetí jáne dene shynyqtyru páníníń mūǵalímderí. Al 52 mamandyqpen 688 bílím alushy magıstr ǵylymı dárejesín alyp, eńbek naryǵyna jol tartpaq. Bítírushí túlekterdíń shamamen 70 paıyzy memlekettík bílím granty negízínde oqyǵan.