Memleket basshysynyń tapsyrmasyn oryndau maqsatynda Bas prokuratura men Bas áskerı prokuratura basshylyǵy qaza tapqan jáne jaraqat alǵan áskerı qyzmetshílerdíń analaryn qabyldaıdy, - dep habarlaıdy Aqshamnews.kz tílshísí.
"Olardyń árbír uájí nazardan tys qalmaıdy. Sondaı-aq áskerı qyzmetshílerdíń qaza tabuy men jaraqat aluyn boldyrmau jóníndegí jūmystarǵa, áskerı qyzmetke shaqyrudyń zańdylyǵyna jáne medıtsınalyq qyzmettíń qorytyndylarynyń negízdílígíne baǵa beríledí. Osy jūmysqa Qorǵanys mınıstrlígí men Ūlttyq ūlannyń ortalyq apparattarynyń ókílderí tartyldy", – dep jazdy Bas prokuror Berík Asylov H áleumettík jelísínde.
Būǵan deıín Astanada áskerde qaza tapqan ūldary úshín mıtıngke shyqqan analardy polıtsıya ūstap áketkení habarlandy.
Astana qalalyq polıtsıya departamentí aqparatqa qatysty málímdeme jasady.
"10 qarasha kúní Astanada azamattardy qabyldau ortalyǵynyń mańynda rūqsat etílmegen aktsıya ūıymdastyrylǵan. Qatysushylarǵa zań talaptary bírneshe ret túsíndíríldí jáne prokuratura ókílderí men polıtsıya qyzmetkerlerímen bírlesíp, beıbít jıyndardy ótkízu tártíbín būzuǵa bolmaıtyny turaly resmı eskertu jasaldy. Degenmen, qatysushylar būl eskertulerge jauap bermedí. Sondyqtan zańmen qarastyrylǵan sharalar qabyldandy”, - delíngen polıtsıya habarlamasynda.
Polıtsıyanyń málímetínshe, áskerde qaza tapqan jáne zardap shekken sarbazdardtsń otbasylaryna qatysy joq, provokatsıyalyq maqsatpen kelgen bírneshe azamat ákímshílík jauapkershílíkke tartylǵan.
"Aktsıyaǵa qatysqan áskerde qaza tapqan jáne zardap shekken sarbazdardyń analaryna aldyn alu áńgímesí júrgízílíp, olarǵa zań normalary túsíndíríldí, sodan keıín olar úıleríne jíberíldí”, - delíngen resmı habarlamada.