Memleket basshysy Qasym-Jomart Toqaev Silk Way Star halyqaralyq jobasynyń qatysýshylaryn quttyqtady, - dep habarlaıdy Aqshamnews.kz tilshisi Aqordaǵa silteme jasap.
"Búgin bedeldi halyqaralyq óner dodasy óz máresine jetedi. Barshańyzdy shyn júrekten quttyqtaımyn! Bul – Azıa elderiniń rýhanı yqpaldastyǵyn nyǵaıtyp, halyqtarymyzdyń dostyǵyn bekemdeı túsetin biregeı bastama. Silk Way Star – mádenı dıplomatıanyń aıqyn kórinisi, ulttarymyzdyń salt-dástúri men shyǵarmashylyǵyn pash etetin tamasha joba. Osyndaı aýqymdy is-sharalar yntymaǵymyzdy kúsheıtedi, ortaq qundylyqtarymyzdy jan-jaqty dáripteıdi. Teńdessiz jobany tabysty júzege asyrýǵa mol úles qosqan China Media Group medıakorporasıasyna shynaıy rızashylyǵymdy bildiremin. Ázerbaıjan, Armenıa, Grýzıa, Qazaqstan, Qytaı, Qyrǵyzstan, Malaızıa, Mońǵolıa, Tájikstan, Túrikmenstan, Ózbekstan, Ońtústik Koreıa elderinen kelgen daryn ıeleri óte joǵary deńgeıde óner kórsetip, mıllıondaǵan kórermenniń ystyq yqylasyna bólenýde. Barshańyzǵa alǵys aıtamyn", - delingen habarlamada.
Sondaı-aq, Prezıdent olarǵa sáttilik tilep, senim bildirdi.