Almaty haıuanattar baǵy sırek kezdesetín januarlarmen tolyqty. Endí haıuanattar baǵyna kelushíler Salvador kesírtkelerín kóre alady. Būl bauyrymen jorǵalaushynyń otany – Jańa Gvıneya. Tabıǵatta ol álemníń basqa jerínde kezdespeıdí, – dep habarlaıdy aqshamnews.kz tílshísí.
Salvador kesírtkesí (Varanus salvadorii) keı elderde artellıya, kabaragoıya nemese «qoltyrauyn kesírtkesí» degen ataularmen de belgílí. Ol írí dene bítímímen, ūzyn árí quatty qūıryǵymen jáne qoltyrauyn terísíne ūqsas erekshe qabyrshaqty terísímen erekshelenedí.
On jastan asqan kesírtkeler jūby Indonezıyadan jetkízílgen. Qazír olar jańa ortaǵa beıímdelíp úlgerdí.
«Bauyrymen jorǵalaushylar zoobaǵymyzda ózderín jaqsy sezínude. Olar tabıǵı meken etu ortasyna barynsha ūqsatyp jabdyqtalǵan terrarıumdy zerttep júr. Mūnda joǵary temperatura men ylǵaldylyq saqtalady. Kesírtkeler būl jerde ósíp-óníp, ūzaq árí belsendí ómír súredí dep senemíz», – dedí «Ekzotarıum» bólímíníń jetekshísí, gerpetolog Aleksandr Gurnev.
Kelushíler būl erekshe januarlardy zoobaqtyń «Ekzotarıum» bólímínen kóre alady. Sonymen qatar olardyń ekí aıyr tílí arqyly jemín qalaı tabatynyn da baqylauǵa múmkíndík bar.
Almaty haıuanattar baǵy barshańyzdy ekzotıkalyq bauyrymen jorǵalaushylar álemímen tanysuǵa shaqyrady!