Álemdegí eń írí shól Saharada sırek kezdesetín tabıǵı qūbylys tírkelíp, qūm arasyn qar basty, dep habarlaıdy Aqshamnews.kz tílshísí.
Sahara shólínde qar jauuy taǵy da kópshílíktí tańǵaldyrdy. Sırek kezdesetín būl qūbylys 10–11 nauryz kúnderí Soltústík Afrıkaǵa ylǵaldy aua massalarynyń keluímen baılanysty boldy. Sınoptıkterdíń málímetínshe, Pıreneı túbegínen oıys aımaq jyljyp kelíp, óńírge ylǵal ákelgen, al onyń suyq aua aǵyndarymen túıísuí qysqy aua raıyn qalyptastyrǵan.
Qar negízínen Atlas taulary men bıík aımaqtarǵa túsken. Alaıda shól jıegínde de aq ūlpa qar baıqalǵan. Weather.com deregínshe, dál osy Atlas jotalary mańynda Jerorta teńízínen kelgen ylǵaldy aua bıíktegí suyq aua qabattarymen soqtyǵysyp, típtí shólge jaqyn aumaqtarda da qardyń túsuíne jaǵdaı jasaıdy.
Mamandar mūndaı qūbylys óte sırek bolatynyn aıtady. Keı málímetterge qaraǵanda, Sahara mańyndaǵy mūndaı qar shamamen on jylda bír ret qana baıqalady.
Degenmen shóldegí qar ūzaq jatpaıdy. Qazírdíń ózínde Soltústík Afrıkada kún qaıta ashylyp, aua temperaturasy kóterílgen. Soǵan baılanysty qar jamylǵysy tez eríp, aldaǵy kúnderí shólde qar kútílmeıdí.