Memleket basshysy «Qazaqstan temír joly» ŪK» AQ basqarma tóraǵasy Talǵat Aldybergenovtí qabyldady, - dep habarlaıdy aqshamnews.kz tílshísí.
Qasym-Jomart Toqaevqa kompanıyanyń ótken jyly atqarǵan qyzmetíníń nátıjelerí jónínde málímet berílíp, aldaǵy kezeńge arnalǵan jospary tanystyryldy.
Talǵat Aldybergenov:
- tarıftík júk aınalymy 10 paıyzǵa artyp, 289 mıllıard tonna-shaqyrymdy qūraǵanyn aıtty.
Tasymal kólemí 5,5 paıyzǵa ūlǵaıyp, 320 mıllıon tonnaǵa deıín jetken. Eksporttyq tasymal 89 mıllıon tonnadan asty. Júk tranzıtí 20 paıyzdan astam ósíp, 33 mıllıon tonna boldy.
- byltyr paıdalanuǵa berílgen Dostyq – Moıynty temír jolynyń ekínshí jelísí arqyly 6 mıllıon tonna nemese 100 myń vagonnan asa júk jetkízílgenín bayandady.
Almaty beketín aınalyp ótetín temír joldaǵy tehnıkalyq qozǵalysqa rūqsat etíldí.
Temírjol ınfraqūrylymdaryn tartu jáne jańǵyrtu jūmystary jalǵasyp jatyr. Jobalardyń jalpy ūzyndyǵy 3900 shaqyrymdy qūraıdy.
- kompanıya qyzmetínde qauípsízdíktí, tıímdílík pen ashyqtyqty qamtamasyz etu úshín jasandy ıntellektíní engízu arqyly tsıfrlyq jobalar júzege asyrylyp jatqanyn jetkízdí.
Tálímgerlík ınstıtuty jolǵa qoıylyp, jastar kadrlyq rezerví jasaqtalǵan.
Prezıdent:
- áleumettík máselelerdí sheshudíń mańyzyn atap ótíp, temírjolshylarǵa arnalǵan qoljetímdí tūrǵyn úı salu bastamasyn qūptady.
- «Qazaqstan temír joly» ŪK» aktsıonerlík qoǵamyn transformatsıyalaudy jalǵastyru, írí sheteldík kompanıyalarmen yntymaqtastyqty nyǵaıtu, tsıfrlyq sheshímderdí engízu, multımodaldyq logıstıkany damytu maqsatynda ınfraqūrylymdardy keńeıtu jónínde tapsyrma berdí.