Memleket basshysy Ózbekstan Prezıdentíníń «Taza aua» bastamasyna qoldau bíldíríp, būl joba Qazaqstannyń írí qalalary úshín de ózektí ekeníne toqtaldy, – dep habarlaıdy aqshamnews.kz tílshísí.
– Sízdíń taza auaǵa qatysty bastamańyzdy qūptaımyn. Tashkenttegí ekologıyalyq jaǵdaıǵa alańdaushylyq bíldíruíńízdí túsínemín. Bízdíń Almaty qalasyndaǵy ahual da tym kúrdelí. Ókíníshke qaraı, Almaty álemdegí auasy lastanǵan írí qalalar qatarynda tūr. Sondyqtan shūǵyl sharalar qabyldau qajet. Eger Síz qarsy bolmasańyz, «Taza aua» bastamasyn bírlesíp íske asyrudy ūsynamyz. Prezıdentter ūıytqy bolǵan būl jobany úkímetterímíz júzege asyrady. Jūrtshylyq pen halyqaralyq qoǵamdastyq mūny quattaıdy dep sanaımyn. Shyn mánínde, būl bastama ayasynda kóp ís atqaruǵa bolady. Osy arqyly jergílíktí bılík pen kásípkerler ekologıyany qorǵauda, tabıǵatty ayalauda jauapkershílík júgín jete sezínedí, – dedí Qasym-Jomart Toqaev.