Almatyda Qazaqstan halqynyń bírlígí kúníne oraı qalanyń barlyq audanynda merekelík ís-sharalar ūıymdastyryldy. Ruhanı bírlíktí, mádenıet pen dástúrdíń san aluandyǵyn dárípteıtín būl kún myńdaǵan tūrǵyn men qala qonaqtarynyń basyn qosty, – dep habarlaıdy aqshamnews.kz tílshísí.
Abaı alańynda ótken basty merekelík ís-sharaǵa qala ákímí Darhan Satybaldy qatysty.
Ís-shara baǵdarlamasy áserlí beıneshou men barabanshylardyń qoıylymymen ashylyp, Qazaqstannyń eńbek síńírgen qaıratkerí Marjan Arapbaevanyń oryndauyndaǵy «Qazaq elí osyndaı» ánímen jalǵasty.
Jalpy mereke ayasynda 40-tan astam mádenı-kópshílík ís-shara óttí. Sahnada otandyq ónerpazdar men shyǵarmashylyq ūjymdar, sondaı-aq sheteldík qonaqtar, onyń íshínde Qyrǵyzstannyń «Komuz beats» toby óner kórsettí.
Alańda etnomádenı bírlestíkterdíń kórme shatyrlary tígílíp, qalada tūratyn túrlí etnos ókílderíníń mádenıetí men salt-dástúrlerí tanystyryldy.
Qala ákímí kórmelerdí aralap, etnomádenı bírlestíkterdíń qoǵamdyq kelísímdí nyǵaıtudaǵy rólíne toqtaldy.
Almaty — túrlí etnos ókílderí ózara syılastyq pen kelísímde ómír súretín qala. Būl tūraqty damudyń berík negízí.
Merekelík ís-shara kontserttík baǵdarlamalar men shyǵarmashylyq ūjymdardyń óner kórsetuímen jalǵasyn tapty.