Megapolıstegí Tūńǵysh Prezıdent sayabaǵynda Qazaqstan halqynyń bírlígí kúníne oraı keń auqymdy merekelík ís-shara óttí, – dep habarlaıdy aqshamnews.kz tílshísí.
Ashyq aspan astynda ūıymdastyrylǵan kontsert-festıvalge qala tūrǵyndary men qonaqtary kóptep jınaldy. Merekelík sahnada otandyq tanymal estrada jūldyzdary óner kórsetíp, kórermenderge kóteríńkí kóńíl-kúı syılady. Sayabaq aldynda áuelegen án-jyr, bı-kúı de eldegí tatulyq pen bírlíktíń mańyzyn aıshyqtaı tústí.
Ís-sharanyń erekshe bólíkteríníń bírí - ūlttyq taǵamdar jármeńkesí boldy. Elímízde ómír súríp jatqan túrlí etnos ókílderí ózderíníń ūlttyq dámín ūsyndy.
”Bıyl ekínshí jyl 1 mamyr - Qazaqstan halqynyń bírlígí kúníne Bostandyq audany ákímdígímen bírlesíp festıval ótkízdík. Bízdíń halyqaralyq mekteptíń ár synybyna bír-bír ūlttan bekítíp berdík. Olar sol etnostyń án-bı, jyr-kúıínen kontsert berdí. Mádenıetín, qūndylyǵyn kórsettí. Ár synyp oqushylary ata-analarymen bírígíp ár ūlttyń áshekeı būıymdaryn jasap ákelíp, qolóner jármeńkesíne qoıdy. Ūlttyq taǵamdar jármeńkesí de oıdaǵydaı óttí. Túsken qarjyǵa osy festıvalde bízben tílek bíríktírgen “Kitapal” kítap dúkenínen kórkem shyǵarmalar satyp alyp, bárín shalǵaı auyldardaǵy mektepterge syılaıtyn bolamyz. Mūndaı festıvalder barlyq ūltty bíríktíredí, būrynǵydan da jaqyndastyra túsedí dep oılaımyn”, - deıdí ózbek etnosynyń ókílí, Almatydaǵy “Galaxy International school” halyqaralyq mektebíníń dırektory Bahtıer Ermetov.
Bírlík kúnín toılauǵa kelgen, qolynda táttí balmūzdaǵy bar jas ūrpaqty da sózge tarttyq.
”Bízdíń synypta 23 oqushy bar. Safıya esímdí arab qyzy men Metehan atty túrík balasy da bízben bírge oqıdy. Ekeuí de qazaqsha sóıleıdí. Bíz bír-bírímízdí qūrmetteımíz. Dospyz. Meníń Qazaqstanym bárín jaqsy kóredí”, - deıdí Almatynyń 147-shí gımnazıyasynyń 5-synyp oqushysy Káusar Aıdarbaı.
Nūrjamal Álísh