Memleket basshysy búgíngí tańda armıyany zaman talabyna saı nyǵaıtyp, elímízdíń qorǵanys qabíletín arttyruǵa qajettí barlyq shara qabyldanyp jatqanyna nazar audardy, – dep habarlaıdy aqshamnews.kz tílshísí.
– Qauípsízdík máselelerí, elímízdíń qorǵanys qabíletín kúsheıtu, qyzmetterdíń bedelín kóteru – negízgí memlekettík basymdyqtar men míndetter. Sońǵy jyldary áskerı qyzmetshílerge, qūqyq qorǵau jáne arnauly organdar qyzmetkerleríne keńínen qoldau kórsetílíp keledí. Atap aıtqanda, ıpotekalyq baǵdarlamalar íske qosyldy, eńbekaqy kólemí kezeń-kezeńímen artyp, áleumettík jeńíldíkter kóbeıdí. Kúshtík qūrylymdar sapyna jastardy kóptep tartyp, kadrlyq áleuettí nyǵaıtu ísíne kóńíl bólínude. Men áskerı oqu oryndarynyń úzdík túlekterín yntalandyru jónínde tapsyrma berdím. Parlamentte úzdík bílím alushylarǵa oqudy támamdaǵan kezde bírden «aǵa leıtenant» dárejesín beruge qatysty tıístí túzetuler qarastyrylyp jatyr. Jalpy, bıyl jáne kelesí jyldar áskerı bílím beru sapasyn arttyruǵa arnaluy kerek, – dedí Qasym-Jomart Toqaev.
Prezıdenttíń píkírínshe, elímízdíń aumaqtyq tūtastyǵyn qorǵau, ūlttyq qauípsízdíktí qamtamasyz etu, «Zań jáne tártíp» ıdeologıyasyn ornyqtyru jauapty árí jasampaz patrıotızmmen tyǵyz ūshtasatyn asa mańyzdy míndet.
– Bíz qūqyqtyq nıgılızmge jol bermeıtín, ańyzdaǵy nemese qoldan jasalǵan «batyrlardy» emes, būrynǵy jáne búgíngí naǵyz qaharmandardy qūrmet tūtatyn úılesímdí qoǵam qūruymyz qajet. Tuǵan elí men halqynyń ıgílígí jolynda adal qyzmet etken, ar men namysty bárínen bıík qoıǵan azamattar jastarǵa úlgí boluǵa tıís. Olardyń qatarynda qaza tapqannan keıín erlíkterí men batyrlyqtary eleníp, orden-medalmen marapattalǵan áskerıler, polıtseıler, qūtqarushylar, arnauly organ qyzmetkerlerí de az emes. Meníń bastamammen olardyń esímderí kósheler men túrlí mekemelerge berílíp jatyr. Mūndaı tásíldí vedomstvolyq nagradaǵa qatysty da paıdalanuǵa bolady. Osyndaı alǵashqy marapattyń bírí – on bes jyl būryn janynan bezgen terrorshyny ūstau barysynda qaza tapqan polıtsıya kapıtany Ǵazız Baıtasov atyndaǵy medal. Bízdíń maqsatymyz – batyrlarymyzdyń erlígín máńgí este qaldyru, otandastarymyzdyń jarqyn beınesín júregímízde saqtau, óskeleń ūrpaqty naǵyz erlíkke, qaısarlyqqa jáne shynaıy patrıotızmge tárbıeleu, – dedí Qasym-Jomart Toqaev.