Táulík boıy jūmys ísteıtín kítaphanalarǵa kelushí sany 70%-ǵa artty, – dep habarlaıdy aqshamnews.kz tílshísí.
Qazírgí tańda Almaty Kítaphanalarynda 30 kítaphana jūmys ísteıdí. Sonyń íshínde Mūhtar Áuezov atyndaǵy kítaphana, Jambyl atyndaǵy qalalyq jasóspírímder kítaphanasy, Alatau Creative Hub ortalyǵy, Qazaqstan jazushylar kítaphanasy, A.P. Chehov atyndaǵy ortalyq qalalyq kítaphana, Rozybakıev kóshesí, 247 mekenjaıynda ornalasqan jáne Belger kóshesí, 1B mekenjaıyndaǵy fılıaldar táulík boıy jūmys ístep, oqyrmandarǵa bílím men kítaptarǵa tūraqty qoljetímdílíktí qamtamasyz etedí.
Alǵash ret 2023-2024 jyldary táulík boıy jūmys rejımíne kóshken kítaphanalardyń kelushíler sany 70%-ǵa artty. Būl kórsetkísh qala tūrǵyndaryna kítaphananyń mádenı jáne bílím beru ortalyǵy retíndegí rólíníń nyǵaıǵanyn kórsetedí. Osylaısha, qoljetímdí ınfraqūrylym oqyrman sanynyń tūraqty ósuíne yqpal etíp, 2026 jyly Qazaqstan Respublıkasynyń prezıdentí Qasym-Jomart Toqaevtyń Almatyny «ūıyqtamaıtyn qalaǵa» aınaldyru jóníndegí tapsyrmasyna sáıkes táulík boıy qyzmet kórsetetín kítaphanalar qatary keńeıíp, olardyń sany 7-ge jettí.
Atalǵan kítaphanalarda tynysh árí jaıly oqu zaldary, ınternetpen qamtylǵan kompyuter zaly, baı kítap qory, jūmys ísteuge, oquǵa, damuǵa qolaıly servıster jáne múmkíndígí shekteulí azamattar úshín arnaıy jūmys oryndary qarastylyrǵan. Sonymen qatar, ártúrlí jastaǵy oqyrmandarǵa shyǵarmashylyq pen damuǵa baǵyttalǵan klubtar men úıírmeler ūsynylady.