Almaty sayabaqtarynda jazǵy bukkrossıng alańdary ashylady, – dep habarlaıdy aqshamnews.kz tílshísí.
Bıylǵy 1 mausymnan bastap Almatyda jazǵy bukkrossıng alańdary jūmys ísteı bastaıdy. Būl alańdarda qala tūrǵyndary men qonaqtary kítaptardy tegín alyp oqyp, ózara almastyra alady. Joba zıyatkerlík demalysty damytuǵa jáne qoǵamdyq keńístíkterde kítap oqudy nasıhattauǵa baǵyttalǵan.
Kítap sórelerí Gandı jáne Qarǵaly sayabaqtarynda, M. Maqataev atyndaǵy skverde, sondaı-aq Tsentralnaya kóshesí, 12B mekenjaıyndaǵy №44 kítaphanada ornalastyrylady. Al shílde aıynan bastap bukkrossıng alańy Gogol kóshesí, 109 mekenjaıynda ornalasqan A.P. Chehov atyndaǵy Ortalyq qalalyq kítaphanada da ashylady.
Almaty qalasy Mádenıet basqarmasy ókílderíníń málímetínshe, kítap sórelerí dúısenbíden senbíge deıín saǵat 10:00-den 17:00-ge deıín jūmys ísteıdí. Kítap qory tūraqty túrde jańartylyp otyrady. Sórelerge kórkem ádebıet, tanymdyq jáne motıvatsıyalyq kítaptar qoıylady.
Joba qalalyq keńístíkterdí demalys orny ǵana emes, mádenı árí zıyatkerlík baılanys ornatatyn ortaǵa aınaldyrudy kózdeıdí.
Ūıymdastyrushylardyń aıtuynsha, bukkrossıng formaty tūrǵyndarǵa taza auada kítap oqyp qana qoımaı, kítaptaryn ózge oqyrmandarmen bólísuge de múmkíndík beredí