Almatyda áıel kásípkerlerdíń jobalary arqyly 307 jūmys orny ashyldy, – dep habarlaıdy aqshamnews.kz tílshísí.
Almatyda áıelder kásípkerlígín damytu barysynda áleumettík jobaǵa, jergílíktí óndíríske, bílím beru bastamasy men jańa jūmys ornyn ashuǵa kóp kóńíl bólíníp jatyr. Óńírlík kommunıkatsıyalar qyzmetínde Almaty ákímíníń janyndaǵy Áıelder ísterí jáne otbasylyq-demografıyalyq sayasat jóníndegí komıssıya múshesí, qoǵam qaıratkerí árí kásípker Sana Jandaı osylaı dedí.
Spıkerdíń aıtuynsha, Almaty kásípkerí eń kóp ortalyq bolyp qalǵan. Áıelder mūnda qyzmet kórsetu, onlaın-sauda, bílím beru, densaulyq saqtau, áleumettík kásípkerlík, tígín men azyq-túlík óndírísí salasynda eńbek etíp júr. Industrıyalyq aımaqta áıelder basqaratyn 22 kásíporyn da jūmys ísteıdí, onyń íshínde 11 óndírístík nysanmen 11 shaǵyn ónerkásíptík park bar.
Áleumettík kásípkerlíktí qoldau negízgí baǵyttyń bírí bolyp otyr. Qazírgí tańda áleumettík kásípkerlík nysandardyń tízímíne 155 kásípker engen, olardyń 74%-y áıelder.
«Áıelder kásípkerlígí qazír qalanyń áleumettík tūraqtylyǵy men ekonomıkalyq ósímíníń mańyzdy faktoryna aınalyp otyr. Ásírese kópbalaly analar men áleumettík kásípkerler arasynda bastamanyń tūraqty ósíp kele jatqanyn kóríp otyrmyz», — dedí Sana Jandaı.
Kásípker áıelder úshín granttar, mıkro nesıeleu, oqytu, konsultatsıyalyq súıemeldeu, jeńíldetílgen negízde ǵımarattar beru men ınfraqūrylymdyq qoldau sıyaqty túrlí qoldau qūraldary qarastyrylǵan:
2025 jyly «Bastau Bıznes» baǵdarlamasy ayasynda 647 kópbalaly áıel oqudan ótíp, 281 qatysushy 400 AEK kólemínde memlekettík grant alypty. Bıyl Almatyda taǵy 380 grantty qarjylandyru kózdelíp otyr.
2022 jyldan berí jalpy somasy 369 mln teńgege 81 kásípker grant ıeleníp, 307 jūmys ornyqūryldy. Onyń 225-í áıelderge arnalǵan.
«Bıznestí íske qosuǵa qoldau kórsetu ǵana emes, onyń ósuí men auqymyn keńeıtuge jaǵdaı jasau maqsatymyz. Kóp joba alǵashqy grantty alǵannan keıín tūraqty damu modelíne shyqty», — dep atap óttí spıker.
Sana Shaıhanovnanyń aıtuynsha, 2026 jyly áleumettík kásípkerlík, tsıfrlyq servıster, kreatıvtí ındustrıyalar, jergílíktí óndírís, ekologıyalyq taza óním men otbasylyq bıznes eń ótímdí baǵyttyń qatarynda bolmaq.
Sonymen qatar «Bír auyl — bír óním» jobasyna erekshe nazar audarylyp otyr. Būl jobakásípkerlerge jergílíktí óndírístí damytyp, ónímderín ílgeríletíp, 5 mln teńgege deıíngí grantqa úmítker boluǵa múmkíndík beredí. Sońǵy úsh jylda «Almaty Business-2025» baǵdarlamasy ayasynda áıelder kásípkerlígíne qatsty 151 jobaǵa jalpy somasy 5,8 mlrd teńgeden astam qoldau kórsetíldí.