Almatyda 600-den astam kópbalaly áıel bıznes ashu úshín oqudan óttí, – dep habarlaıdy aqshamnews.kz tílshísí.
Memlekettík granttar, oqytu baǵdarlamasy men jeńíldetílgen qoldau sharalary Almaty áıelderíne kásíp ashyp, áleumettík jobalardy damytuǵa múmkíndík beríp jatyr. Áıelderdí qoldauǵa baǵyttalǵan qoldanystaǵy sharalar turaly Almaty qalasy ákímíníń janyndaǵy Áıelder ísterí jáne otbasylyq-demografıyalyq sayasat jóníndegí komıssıya múshesí Sáule Beketaeva Óńírlík kommunıkatsıyalar qyzmetíníń alańynda bayandady.
Spıkerdíń aıtuynsha, eń sūranysqa ıe baǵyttyń bírí — áıelderge kásípkerlíktíń bastapqy daǵdychyn meńgeríp, jeke ísín bastauǵa kómektesetín «Bastau Bıznes» baǵdarlamasy.
Atalǵan baǵdarlama ayasynda 647 kópbalaly áıel oqudan ótíp, 281 adam bıznesín bastau úshín memlekettík grantqa ıe bolǵan.
«Áıelderdíń kóbí qazír shaǵyn jobadan bastap, keıín tūraqty bıznes qūryp, jūmys ornyn ashyp, jańa deńgeıge kóterílíp jatyr», — dedí Sáule Beketaeva.
Spıker kópbalaly analarǵa, áleumettík osal sanattaǵy áıelder men áleumettík kásípkerlíktí damytuǵa erekshe kóńíl bólínetínín atap óttí. Almatyda sondaı-aq grantpen qarjylandyru, jeńíldetílgen nesıe beru baǵdarlamalary men ǵımaratty jeńíldíkpen ūsynu tetígí jūmys ísteıdí.
Sáule Beketaevanyń aıtuynsha, búgínde Almaty áıelderí qyzmet kórsetu, bílím beru, óndírís, onlaın-sauda men áleumettík baǵyttaǵy jobalar salasynda belsendí túrde bıznes damytyp keledí.
«Grant beru ǵana emes, kásípkerlerdí alǵashqy kezeńde súıemeldeu de mańyzdy. Kóp áıel óz ísín alǵash bastaǵanda júreksíníp, bílímí men tájírıbesíníń azdyǵynan japa shegíp jatady. Sondyqtan konsultatsıyalyq jáne bílím beru qoldauy negízgí baǵyttyń bírí bolyp qala beredí», — dedí spıker.
Sonymen qatar Almatyda jergílíktí óndírís pen otbasylyq bıznestí qoldau baǵdarlamalary jūmys ístep jatyr. Sarapshylardyń píkírínshe, 2026 jyly áleumettík kásípkerlík, tsıfrlyq servıster, kreatıvtí ındustrıyalar men jeke brendtí damytu bolashaǵy bar baǵyttyń qatarynda bolmaq.
Spıkerdíń aıtuynsha, Almatyda áıelderdíń ekonomıkalyq múmkíndígín keńeıtu jūmysy jalǵasa beredí, oldau sharalary men bílím beru bastamasynyń sany da aldaǵy uaqytta arta túsedí.