Memleket basshysy tennısshí Elena Rybakınany «Álemníń bírínshí raketkasy» ataǵyna ıe boluymen qūttyqtady, – dep habarlaıdy aqshamnews.kz tílshísí.
– Síz aıryqsha talant pen tynymsyz eńbektíń jáne ózíńízge degen nyq senímníń arqasynda WTA reıtıngínde kósh bastap, bıík shyńdy baǵyndyrdyńyz. Osynau tarıhı jeńísíńíz qazaq sportynyń dańqyn asyrdy. Esímíńíz álemdík tennıs jylnamasynan oıyp tūryp oryn aldy. Sízdíń jetístíkke toly jolyńyz – elímízdíń jas sportshylary men dúnıeníń túkpír-túkpíríndegí mıllıondaǵan tennıs jankúıerí úshín úlgí-ónege. Sonymen qatar kortta da, qoǵamdyq oryndarda da, jūrtshylyqpen qarym-qatynas barysynda da baıqalatyn joǵary mádenıetíńízdí aıryqsha atap ótkím keledí. Būl – sózsíz Sízdíń parasatyńyz ben adamı qalpyńyzdyń aıqyn kórínísí, – dep jazylǵan qūttyqtauda.
Qasym-Jomart Toqaev Elena Rybakınanyń chempıondarǵa tán jalyndy ruhtan quat alyp, jańa belesterge batyl qadam basa beruíne tílektestík bíldírdí.