Qasym-Jomart Toqaev amerıkalyq senator Stıv Deınstí qabyldady.
Respublıkalyq partıyadan saılanǵan senatormen kezdesude qazaq-amerıka qatynastaryn nyǵaıtuǵa parlamenttík dıplomatıyanyń qosqan úlesí talqylandy.
Memleket basshysy AQSh senatorynyń Qazaqstanǵa shynaıy tílektes ekenín atap ótíp, Respublıka kúníne oraı Kongrestíń resmı málímdeme jasaǵany úshín rızashylyq bíldírdí. Būl – elderímíz arasyndaǵy būrynnan kele jatqan strategıyalyq seríktestíktíń dálelí.
Qasym-Jomart Toqaev pen Stıv Deıns ekíjaqty kún tártíbíníń basym baǵyttary jónínde píkír almasyp, qos halyqtyń ıgílígí úshín Qazaqstan men Amerıka Qūrama Shtattarynyń strategıyalyq seríktestígín nyǵaıtuǵa baǵyttalǵan bírlesken jūmysty jalǵastyruǵa daıyn ekenderín rastady.
Kezdesu sońynda Prezıdent Qazaqstan men AQSh arasyndaǵy baılanysty nyǵaıtuǵa qosqan úlesí úshín senator Stıv Deınstí Í dárejelí «Dostyq» ordenímen marapattau turaly sheshím qabyldaǵanyn jetkízdí.
