18 jastaǵy qazaqstandyq tenısshi Ámir Omarhanov mansabyndaǵy eń mańyzdy jetistikteriniń birine qol jetkizdi, - dep habarlaıdy aqshamnews.kz tilshisi.
Ol Týnıste ótken ITF M15 sanatyndaǵy týrnırde top jardy.
Fınalda Ámir ózimen qurdas nemis sportshysy Maks Shonhaýsty (ATP reıtıńinde №824) 6:3, 3:6, 6:4 esebimen jeńdi. Qazaqstandyq sportshy júldege qol jetkizý úshin týrnırdiń ekinshi, altynshy, jetinshi jáne segizinshi raketkalaryn utty.
Aıta keteıik, Shonhaýs - ITF Juniors boıynsha álemniń ekinshi raketkasy jáne ótken aptada Týnıstegi ITF M25 sanatyndaǵy týrnırdiń chempıony atanǵan bolatyn.
Bul - Omarhanovtyń kásibı mansabyndaǵy alǵashqy jeke tıtýly.