Soltanaı Jáníbek, jas dáríger, Sanjar Asfendıyarov atyndaǵy Qazaq ūlttyq medıtsına unıversıtetí rektorynyń keńesshísí, Alǵashqy medıtsınalyq-sanıtarıyalyq kómek ortalyǵy bas dárígeríníń orynbasary jáne Jastar kóshbasshysy, almatylyqtardy 15 nauryzda ótetín referendumǵa qatysuǵa shaqyrdy, – dep habarlaıdy aqshamnews.kz tílshísí.
Sózínde ol medıtsına salasyndaǵy senímníń erekshe mańyzyn atap óttí. «Adam óz densaulyǵyn, keıde ómírín saǵan seníp tapsyrady. Sol sením bílímge, kásíbılíkke jáne júıeníń tūraqtylyǵyna súıenuí kerek», – dedí spıker.
Soltanaı Jáníbek qazírgí álemde eldíń damu deńgeıí densaulyq saqtau sapasyna tíkeleı baılanysty ekenín, al onyń sapasy ǵylymı zertteuler men ınnovatsıyalardy engízuge táueldí ekenín atap óttí. Ol jańa Konstıtutsıyada bílím men ǵylymǵa, ınnovatsıyaǵa basymdyq berílu strategıyalyq mańyzdy sheshím ekenín aıtty. Būl tek unıversıtetterge ǵana emes, bolashaq dárígerlerdí dayarlau sapasy men jańa medıtsınalyq tehnologıyalardyń elge keluíne qatysty ekenín jetkízdí.
«Maǵjan Jūmabaev aıtqandaı: “Maǵan jastarǵa sením bar” – bíz sol senímge laıyq boluymyz kerek. 15 nauryzdaǵy referendumǵa qatysu – men úshín azamattyq ūstanym. Jańa Konstıtutsıya – bolashaqtyń negízí», – dedí Soltanaı Jáníbek.
Spıker barsha azamattardy referendumǵa qatysyp, óz tańdauyn jasauǵa shaqyrdy.
