Referendumdy qoldauǵa arnalǵan JAS STARS kontserttík keshí barysynda Shahıslam Laıshanov sóz sóıledí, – dep habarlaıdy aqshamnews.kz tílshísí.
Ol almatylyqtardy el bolashaǵyna qatysty mańyzdy kezeńde bírlík tanytuǵa shaqyrdy. Onyń aıtuynsha, būl shara jaı ǵana kontsert emes, qazírgí kúrdelí geosayası ahual jaǵdaıynda beıbítshílík pen tūraqtylyqtyń aıqyn kórínísí boldy.
Spıker jas ǵalym retínde elímízdegí konstıtutsıyalyq ózgerísterdí qoldaıtynyn jetkízdí.
«Kez kelgen reforma – bolashaq ūrpaq úshín jasalatyn mańyzdy qadam», – dedí ol.
Sonymen qatar jańa Konstıtutsıya jobasynda ǵylymnyń rólí aıqyn kórsetílgenín atap óttí. Onyń sózínshe, ǵylym men ınnovatsıya alǵash ret memlekettík sayasattyń strategıyalyq baǵyty retínde qarastyrylyp otyr, būl eldí jańǵyrtuǵa jáne qoǵamdy damytuǵa serpín beredí.
Laıshanov Shahıslam Ūzaqbaıūly beıbítshílíktíń mańyzdylyǵyna erekshe toqtaldy.
«Bízdíń basty qūndylyǵymyz – beıbítshílík. Beıbítshílík bar jerde ǵylym damıdy, bílím órkendeıdí, ekonomıka qaryshtaıdy», – dep atap óttí ol. Sondyqtan tatulyq pen bírlíktí saqtau qoǵam úshín basty basymdyq boluy tıís ekenín aıtty.
Sóz sońynda spıker Hákím Abaıdyń «Aqsaqal aıtty, baı aıtty, kím aıtsa meılí sol aıtty, aqylmenen jeńseńíz» degen naqylyn keltíríp, tūrǵyndardy 15 nauryz kúní ótetín referendumǵa qatysyp, el bolashaǵy úshín dūrys árí sanaly tańdau jasauǵa shaqyrdy.
