Jasandy ıntellektí jyly ayasynda ótken jastar arasyndaǵy merekelík keshte sóz sóılegen Nıyaz Qūrmanǵazy almatylyqtardy mańyzdy tarıhı kezeńde bírlík tanytuǵa shaqyrdy, – dep habarlaıdy aqshamnews.kz tílshísí.
Onyń aıtuynsha, «Keńesíp píshken ton kelte bolmas» degen dana halqymyzdyń danalyǵy osy sátte erekshe mánge ıe.
«Būl – oılanatyn, saralaıtyn jáne jauapkershílíkpen sheshím qabyldaıtyn kezeń»,- dep atap óttí spıker.
Ol el taǵdyryn amanat retínde baǵalap, bírlíktíń eń úlken kúsh ekenín aıtty.
«Bír adamnyń dauysy az kórínuí múmkín, bíraq halyq bolyp jūmylsaq, úlken ózgerísterge jol ashamyz», – dedí bloger.
Spıker Qazaqstan Respublıkasynyń Konstıtutsıyasyna nazar audaryp, jańartylǵan normalardyń adam ómírí, qūqyqtary men bostandyqtaryn basty qūndylyq retínde bekítkenín aıtty.
«Jańartylǵan konstıtutsıyalyq normalar ádíldík qaǵıdattaryn nyǵaıtyp, halyqtyń sheshím qabyldau protsesíne qatysu múmkíndígín keńeıttí. Būl – qūqyqtyq memleket pen tūraqty damudyń mańyzdy qadamy», – dedí Nıyaz Qūrmanǵazy.
Sóz sońynda ol barsha tūrǵyndardy sanaly áreketke shaqyryp, óz píkírín ashyq bíldírdí:
«Men jańa Konstıtutsıyany qoldaımyn! 15 nauryzda barshańyzdy referendumda dauys beruge shaqyramyn. Búgíngí tańdau – erteńgí Qazaqstan! Endeshe, el bolashaǵyna kelgende beıjaı qalmaıyq. Búgíngí qadam – erteńgí Qazaqstan. Al elímízdíń erteńí – bízdíń qolymyzda!», - dep óz píkírín ashyq bíldírdí.
