2025 jyly «Taza Qazaqstan» chat-botyna azamattardan 26 myńnan astam ótínísh kelíp túsken.
Beıjaılyq tanytpaǵan tabıǵat janashyrlarynyń arqasynda mıllıon gektar aumaqtaǵy zańsyz qoqys oryndary tazartyldy. Al Shyǵys Qazaqstan óńírínde 16 myńnan astam ekologıyalyq zańbūzushylyq tírkeldí. Negízínen olar sputnıktík monıtorıng jáne beınebaqylau kameralary arqyly anyqtalǵan. Elímízdíń shyǵysynda «Taza Qazaqstan» ekologıyalyq aktsıyasy auqymdy kólemde ótkízíldí.
Ár jobaǵa shamamen 5 myńǵa juyq adam qatysty. Negízínen olar studentter jáne áleumettík sala mamandary. Alaıda qoǵamdyq belsendí Roman Chestnyhtyń aıtuynsha aktsıyanyń būqaralyq sıpat aluy, onyń tıímdílígín kórsetpeıdí. Romannyń píkírínshe ekologıyalyq mádenıettíń mańyzdylyǵyn kreatıvtí sheshímder qoldana otyryp, qarapaıym tílmen kópshílíkke túsíndíre bílu qajet.
Roman Chestnyh, qoǵam belsendísí: - Chattar bolsyn, ákímdíkpen kerí baılanys qūraldary bolsyn onyń bárí óz deńgeıínde jūmys ístemeıdí.
Sońǵy tórt jylda shyǵysqazaqstandyqtar 42 mıllıon kóshet ekken. Bíraq ókíníshke oraı, bír jaǵynan tabıǵatqa nūqsan keltíríp jatady. 2025 jyly óńírde 289 zańsyz qoqys oryndary anyqtalǵan. Ol úıíndílerdíń dení polıtsıya tekserísí barysynda málím boldy. Ǵaryshtyq monıtorıng barysynda da bírneshe zańsyz qoqys alańdary tabyldy. Solardyń naqty orynyn kórsetíp, «Taza Qazaqstan» chat-botyna joldadyq. Būl tıístí memlekettík organdarmen tíkeleı baılanys joly. 2025 jyly óńírdegí 270 zańsyz qoqys alańdary tazartylǵan. 10 myńnan astam adamǵa aıyppūl salynǵan. Solardyń zańsyz áreketterín keıbíreuler kóríp, bílíp júrse de, aıtyp, habarlamaıdy. Basym bólígí tabıǵat tazalyǵyn saqtau úshín ashylǵan chat bar ekendígín de bílmeıdí. Qala tūrǵyndary arasynda júrgízílgen shaǵyn saualnama sony kórsettí. Oblysta chat-bottyń jedel baılanys jelísí 2024 jyly ashyldy. Sodan berí 200-den astam ótínísh qabyldapty. Kóp deuge kelmeıdí. Tūrǵyn úı kommunaldyq sharuashylyǵy bólímíníń basshysy ótínísh tússe, shūǵyl sharalar qoldanuǵa ázírmíz, - deıdí.
Erjan Ybyraev, TKSh, Jolaushylar kólígí jáne avtomobıl joldary bólímíníń basshysy: - Zańsyz qoqys alańdary turaly aqparat ádette bízge «Taza Qazaqstan» platformasy arqyly túsedí. Ony mamandar zettep, sosyn tazartu jūmystaryna kírísedí. «Taza Qazaqstan» chaty negízgí aqparat kózí bolǵandyqtan, kez-kelgen tūrǵyn ol jerde habarlama qaldyra alady.
«Taza Qazaqstan» respublıkalyq ekologıyalyq aktsıyasy elímízde 10 mln-nan astam belsendíní bíríktírdí. Atqarylǵan jūmys - auqymdy. Alaıda chat-bot sıyaqty jobalardy aımaqtarda nasıhattau jūmysy mardymsyz. Ís júzínde tūrǵyndar «Taza Qazaqstan» chat-boty jaıynda bíle bermeıdí. Sondyqtan qorshaǵan ortanyń lastanu derekterín kóre tūra, tıístí organdarǵa shaǵymdanbaıdy.