«Taza Qazaqstan» respublıkalyq ekologıyalyq baǵdarlamasy ayasynda Almatyda kógaldandyru jáne qorshaǵan ortanyń sapasyn jaqsartu baǵytyndaǵy júıelí jūmystar jalǵasyp jatyr. Būl turaly qalalyq Ekologıya jáne qorshaǵan orta basqarmasynyń ókílderí aıtty, – dep habarlaıdy aqshamnews.kz tílshísí.
2026 jyly shamamen 550 myń jasyl jelek egu josparlanǵan. Onyń íshínde bıíktígí 5-6 metrden asatyn 7,2 myńnan astam írí aǵash, 500 myńnan astam būta jáne kesílgen 40 myńǵa juyq aǵashtyń ornyna bıíktígí 2-2,5 metr bolatyn kóshetter otyrǵyzylady.
Kóktemgí kezeńde 19 myńǵa juyq jasyl jelek egu kózdelíp otyr. Ony shamamen 3,7 myń írí kólemdí aǵash jáne kesílgen 15 myń aǵashtyń ornyna egíletín tal bar.
Qazírgí uaqytta 6 myńnan astam jasyl jelek egíldí, onyń íshínde 2,6 myń írí aǵash jáne 4 myńǵa juyq kóshet otyrǵyzylǵan.
Sonymen qatar, «Taza Qazaqstan» baǵdarlamasy ayasynda Sadyqov kóshesíníń boıyna bıíktígí 5-6 metr bolatyn 80 írí kólemdí aǵash egu josparlanyp otyr.
«Kógaldandyru jūmystary klımattyq erekshelík pen qalalyq ortany damytu basymdyqtaryn eskere otyryp, kezeń-kezeńímen júrgízíledí. Negízgí nazar ósímdíkterdíń jersínu deńgeıín arttyruǵa, tózímdí túrlerdí tańdauǵa jáne tūrǵyndar úshín jaıly jasyl keńístík qalyptastyruǵa baǵyttalǵan», — dedí Almaty qalasy Ekologıya jáne qorshaǵan orta basqarmasy basshysynyń orynbasary Madıyar Kójekeev.