Almatyda «India’s Strategic Autonomy: A Special Feature» kítabynyń tanystyrylymy jáne «Incredible India: New Opportunities for Kazakhstan» halyqaralyq dóńgelek ústelí óttí, – dep habarlaıdy aqshamnews.kz tílshísí.
2026 jylǵy 22 mamyrda Almaty qalasyndaǵy «Ǵylym ordasy» ǵımaratynda «India’s Strategic Autonomy: A Special Feature» kítabynyń tanystyrylymy jáne «Incredible India: New Opportunities for Kazakhstan» atty halyqaralyq dóńgelek ústel óttí. Ís-sharany Qazaqstan Respublıkasy Prezıdentíníń janyndaǵy Ūlttyq ǵylym akademıyasynyń Halyqaralyq qatynastar zertteu ortalyǵy men Qazaq ūlttyq qyzdar pedagogıkalyq unıversıtetí bírlesíp ūıymdastyrdy.
Ís-shara Úndístannyń qazírgí halyqaralyq qatynastar júıesíndegí strategıyalyq rólín, sondaı-aq Qazaqstan men Úndístan arasyndaǵy yntymaqtastyqtyń jańa múmkíndíkterín talqylauǵa arnalǵan mańyzdy halyqaralyq saraptamalyq alańǵa aınaldy. Jıynǵa dıplomattar, ǵalymdar, zertteushíler men halyqaralyq sarapshylar qatysty.
Ís-shara barysynda qatysushylarǵa Qazaqstan Respublıkasy Prezıdentíníń janyndaǵy Ūlttyq ǵylym akademıyasynyń ǵylymı-tehnıkalyq yntymaqtastyq bólímíníń basshysy Anar Mūhtarova, Qazaqstan Respublıkasy Syrtqy íster mınıstrlígíníń Almaty qalasyndaǵy ókíldígíníń sayası top jetekshísí Almasha Arystanqyzy Arenova, sondaı-aq Úndístannyń Qazaqstandaǵy būrynǵy Tótenshe jáne Ókílettí Elshísí, India Central Asia Foundation ūıymynyń prezıdentí Ashok Kumar Sharma qūttyqtau sóz sóıledí.
Baǵdarlamanyń mańyzdy bólígí «India’s Strategic Autonomy: A Special Feature» kítabynyń tanystyrylymy boldy. Basylymdy Radj Kumar Sharma tanystyryp, eńbektíń negízgí mazmūnyna, Úndístannyń strategıyalyq avtonomıyasy, syrtqy sayası basymdyqtary jáne qazírgí halyqaralyq qauípsízdík júıesíndegí ornyna qatysty mańyzdy máselelerge toqtaldy.
Kítapqa saraptamalyq sholu jasaǵan Halyqaralyq qatynastar zertteu ortalyǵynyń dırektory Duman Qūrmanǵazyūly Jekenov atalǵan eńbektíń qazírgí geosayası ózgeríster jaǵdaıyndaǵy ózektílígín jáne Úndístan men Ortalyq Azıya memleketterí arasyndaǵy yntymaqtastyqty zertteudegí mańyzyn atap óttí.
Saraptamalyq sessıya ayasynda halyqaralyq qatynastar jáne shyǵystanu salasyndaǵy mamandar bayandamalar jasady. Ál-Farabı atyndaǵy Qazaq ūlttyq unıversıtetíníń shyǵystanu fakultetíníń professory Laura Gıbratqyzy Erekesheva Qazaqstan men Úndístan arasyndaǵy qatynastardyń damu perspektıvalaryna toqtaldy. India Central Asia Foundation ūıymynyń dırektory jáne Nyu-Delıdegí MERI Centre for International Studies ortalyǵynyń jetekshísí Ramakant Dvıvedı Úndístan men Ortalyq Azıya elderí arasyndaǵy yntymaqtastyqtyń jańa baǵyttaryn ūsyndy. ERI Research Center ortalyǵynyń aǵa ǵylymı qyzmetkerí, PhD doktory Albına Mırzahanqyzy Mūratbekova halyqaralyq ózara ís-qımyldyń zamanauı úrdísteríne arnalǵan analıtıkalyq bayandama jasady.
Píkírtalas barysynda qatysushylar Qazaqstan men Úndístan arasyndaǵy akademıyalyq, mádenı jáne strategıyalyq yntymaqtastyqty nyǵaıtu máselelerín talqylap, bírlesken ǵylymı jáne bílím beru bastamalaryn damytu perspektıvalary jónínde píkír almasty.
Ís-shara Qazaqstan men Úndístan arasyndaǵy seríktestíktí keńeıtuge degen ózara qyzyǵushylyqtyń joǵary ekenín taǵy bír márte dáleldep, ekí el arasyndaǵy saraptamalyq jáne ǵylymı dıalogty damytuǵa eleulí úles qosty.
Ūıymdastyrushylar barlyq spıkerlerge, qatysushylar men qonaqtarǵa belsendí qatysqandary jáne mazmūndy píkír almasuǵa úles qosqandary úshín alǵys bíldíríp, halyqaralyq ǵylymı yntymaqtastyqty odan árí damytu mańyzdy ekenín atap óttí.