Kórermenderdíń barlyǵy stadıonǵa kezegímen, ūıymdasqan túrde kírgízílgen, dep habarlaıdy aqshamnews.kz tílshísí.
Almatydaǵy Kane Uesttíń kontsertíne eríktí retínde qatysyp júrgen Jasūlan Nūrbek keshtíń halyqaralyq deńgeıde ūıymdastyrylyp jatqanyn atap óttí. Onyń aıtuynsha, kórermenderdí auqymdy shou men būryn-sońdy bolmaǵan kontserttík baǵdarlama kútíp tūr.
Jasūlan volonter boludy óz erkímen tańdaǵanyn aıtyp, kontsert barysynda tūrǵyndar men qala qonaqtaryn tártíp pen tazalyqty saqtauǵa, bír-bírín qūrmetteuge shaqyryp júrgenín jetkízdí.
Onyń aıtuynsha, kórermenderdíń barlyǵy stadıonǵa kezegímen, ūıymdasqan túrde kírgízílgen. Jasūlan úshín būl – úlken sharaǵa úles qosyp qana qoımaı, ózíníń azamattyq belsendílígín kórsetudíń múmkíndígí.
«Volonter bolu – óz erkím. Tūrǵyndardy, jastardy, qala qonaqtaryn tártípke, tazalyqqa jáne bír-bírín syılauǵa shaqyryp júrmín. Osy arqyly ózímníń azamattyq belsendílígímdí kórsetkím keledí», – dedí Jasūlan Nūrbek.