Ūlttyq ekonomıka mınıstrlígíníń habarlauynsha, endí tasymaldaushy taksı qyzmetín bastamas būryn jergílíktí atqarushy organǵa habarlama jíberuge míndettí, – dep habarlaıdy aqshamnews.kz tílshísí.
Sonymen qatar, jańartylǵan nysanda kólík qūraly auystyrylǵanda jáne jańadan kólík qosylǵanda, yaǵnı avtoparktí jańartu kezínde ózgerís engízu múmkíndígí qarastyrylǵan.
“Būrynǵy tártíp boıynsha, tasymaldaushy belgílí bír kólík qūralyna baılanbaıtyn. Būl jol-kólík oqıǵasy kezínde jolaushylarǵa nemese úshínshí tūlǵaǵa zıyan keltírílgen jaǵdaıda jauapty adamdy anyqtaudy qıyndatatyn. Osyǵan baılanysty habarlama nysany kólík qūralynyń markasyn, memlekettík tírkeu nómírín jáne shyǵarylǵan jylyn kórsetetín málímetpen tolyqtyryldy”, – dep túsíndírdí vedomstvo.
Ózgeríster «Memlekettík organdardyń habarlamalar nysandaryn jáne habarlamalardy qabyldau qaǵıdalaryn bekítu turaly, sondaı-aq habarlamalardy qabyldaudy júzege asyratyn memlekettík organdardy aıqyndau turaly» Qazaqstan Respublıkasy Ūlttyq ekonomıka mınıstríníń 2015 jylǵy 6 qańtardaǵy № 4 būıryǵyna ózgeríster engízu turaly» būıryqqa engízíldí.
Sheneuníkterdíń aıtuynsha, būl shara jolaushylardy tasymaldau qauípsízdígíne jauapty taksı tasymaldaushysyn jedel sáıkestendíruge, sondaı-aq naryqqa zańsyz qatysushylardyń úlesín qysqartuǵa múmkíndík beredí.