Bíshkekte ótíp jatqan 2026 jylǵy kórkem gımnastıkadan Azıya chempıonatynda Qazaqstan qūramasy alǵashqy medalín enshíledí. Komandalyq jarysta qazaqstandyq gımnast qyzdar kúmís júldege qol jetkízdí, dep habarlaıdy Aqshamnews.kz tílshísí NUR.KZ-ke sílteme jasap.
Komandalyq turnır qorytyndysy jekeleı jáne toptyq syndardaǵy íríkteu nátıjelerí boıynsha anyqtaldy. Qazaqstan qūramasy sapynda Aıbota Ertaıqyzy tórt jattyǵu boıynsha 107,20 ūpaı jınasa, Aqmaral Erekesheva 106,50 ūpaı enshíledí. Al toptyq ekí baǵdarlamada ūlttyq qūrama qorjynyna 49,95 ūpaı tústí.
Osylaısha, Qazaqstan qūramasynyń jalpy kórsetkíshí 263,65 ūpaıǵa jetíp, qyzdar ekínshí orynǵa tūraqtady. Komandalyq kúmís medal Aıbota Ertaıqyzy men Aqmaral Erekeshevamen qatar Aızere Nūrmaǵambetova, Aızere Keńes, Krıstına Chepulskaya, Aıda Hakımjanova, Jasmın Djunusbaeva jáne Madına Myrzabaıǵa tabystalady.
Azıya chempıonatynda bírínshí oryndy 265,80 ūpaımen Ózbekstan qūramasy ıelendí. Qytaı sportshylary 262,85 ūpaımen úzdík úshtíktí túıíndedí.
25 mamyr kúní jekeleı jáne komandalyq kópsaıys básekelerí ótedí. Būl synda Qazaqstan qūramasynyń barlyq ókílderí júlde úshín talasady. Al 26 mamyrda sportshylar jekelegen jattyǵular fınalynda óner kórsetedí.