Almatylyq «Qaırattyń» būrynǵy shabuylshysy árí kapıtany Sergeı Rojkovtyń qaıtys bolǵany belgílí boldy. Qazaqstan futbolynyń ardagerí 84 jasqa qaraǵan shaǵynda ómírden óttí, dep habarlaıdy Aqshamnews.kz tílshísí.
Qaıǵyly habar almatylyq klubtyń áleumettík jelídegí paraqshasynda jarıyalandy. «Qaırat» kluby Sergeı Egorovıchtíń tuǵan-tuystaryna, jaqyndaryna, dostaryna, būrynǵy áríptesteríne jáne ony tanyǵan barsha janǵa kóńíl aıtty.
Klub málímetínshe, Sergeı Rojkov «Qaırat» sapynda 1966–1967, 1970–1973 jáne 1975–1976 jyldary óner kórsetken. Almaty kluby qūramynda 203 match ótkízíp, 25 gol soqqan. Ol komanda kapıtany boldy jáne óz buynynyń eń jarqyn ókílderíníń bírí sanaldy.
1971 jyly Sergeı Rojkov «Qaıratpen» bírge Temírjolshylar halyqaralyq sport odaǵy kubogyn jeńíp aldy.
Rojkov KSRO sport sheberí bolǵan. Sondaı-aq el chempıony jáne el kubogynyń ekí dúrkín ıegerí atandy. Onyń enshísínde ūlttyq qūrama sapyndaǵy ekí match bar.