Almatydan ońtústík-batysqa qaraı shamamen 300 shaqyrym jerde jer sílkínísí tírkeldí. Zílzalanyń oshaǵy Qyrǵyzstan aumaǵynda ornalasqan, dep habarlaıdy Aqshamnews.kz tílshísí.
Qyrǵyzstan Ūlttyq ǵylym akademıyasy Seısmologıya ınstıtutynyń málímetínshe, jerasty dúmpuí 24 mamyr kúní jergílíktí uaqytpen saǵat 9:50-de bolǵan.
Zílzala oshaǵy Qyrǵyzstan aumaǵynda, Baıbıche auylynan soltústík-shyǵysqa qaraı 13 shaqyrym, Manas qalasynan ońtústík-shyǵysqa qaraı 95 shaqyrym jerde ornalasqan. Būl Almatydan ońtústík-batysqa qaraı shamamen 300–350 shaqyrym qashyqtyq.
Baıbıche jáne Qara-Dóbe auyldarynda jer sílkínísíníń kúshí 2 ball bolyp sezílgen.
Qazaqstan aumaǵynda jerasty dúmpuí sezílgení turaly aqparat túsken joq. Būǵan deıín Qazaqstan seısmologtary Qyrǵyzstan men Qytaı shekarasyna jaqyn aımaqta magnıtudasy 4,8 jáne 4,5 bolatyn ekí jer sílkínísín, al 20 mamyrǵa qaraǵan túní Ózbekstan aumaǵyndaǵy zílzalany tírkegen edí.