Astanada №1 qalalyq auruhanada jūmys ístegen medbıkeden tuberkulez anyqtaldy. Áleumettík jelíde taraǵan aqparatty qalalyq Densaulyq saqtau basqarmasy rastady, dep habarlaıdy Aqshamnews.kz tílshísí.
Basqarma deregínshe, medbıke jūmysqa rūqsat alǵan jáne tuberkulez boıynsha baılanysta bolǵan adamdar qatarynda tūrǵan.
Ol sońǵy ret 2026 jyldyń aqpan aıynda emhanada flyuorografıyadan ótken. Ol kezde túsírílímde patologıya anyqtalmaǵan. Al sáuír aıynda medıtsınalyq kómekke júgíngennen keıín auru belgílí bolǵan. Medbıke sońǵy ret 24 sáuírde jūmysqa shyqqan. Qazír ol qalalyq ftızıopulmonologıya ortalyǵynda em qabyldap jatyr.
Oqıǵadan keıín sońǵy flyuorografıyalyq tekseruden berí 6 aı jáne odan kóp uaqyt ótken 39 qyzmetker qaıta tekserílgen. Olardyń bárínen terís nátıje shyqqan.
Sondaı-aq basqarma medbıkemen sońǵy úsh aıda baılanysta bolǵan adamdardyń tízímí anyqtalǵanyn málímdedí. Olardyń arasynda auru jūqtyrǵandar bar-joǵy ázírge habarlanǵan joq.
Osy jaǵdaıdan keıín auruhanada tósek-jabdyqtar men matrastarǵa dezınfektsıya júrgízílgen.
Byltyr osyǵan ūqsas jaǵdaı Aqtóbe oblysynda da bolǵan. Aqtóbedegí kópbeıíndí balalar auruhanasynda ashyq túrdegí tuberkulezí bar medbıke jūmys ístegen edí.