Sybaılas jemqorlyq – kez kelgen memlekettíń damuyna kerí áser etetín eń ózektí máselelerdíń bírí. Ol qoǵamdaǵy ádíldík qaǵıdattaryn būzyp, memlekettík ınstıtuttardyń tıímdí jūmys ísteuíne kedergí keltíredí. Sondyqtan sybaılas jemqorlyqqa qarsy kúres júrgízu – memleket sayasatynyń negízgí baǵyttarynyń bírí bolyp tabylady.
Qazaqstan Respublıkasynda sybaılas jemqorlyqqa qarsy ís-qımyl júıelí túrde júzege asyrylyp keledí. Memleket būl baǵytta qūqyqtyq tetíkterdí jetíldíríp, memlekettík basqaru júıesíníń ashyqtyǵyn arttyruǵa erekshe kóńíl bólude. Qabyldanǵan zańnamalyq sharalar men memlekettík baǵdarlamalar sybaılas jemqorlyqtyń aldyn aluǵa jáne onyń deńgeıín tómendetuge baǵyttalǵan.
Sybaılas jemqorlyq kóbínese qyzmettík ókílettíktí jeke múdde úshín paıdalanu, para alu nemese beru, zańsyz jeńíldíkter men artyqshylyqtarǵa qol jetkízu sıyaqty áreketter arqyly kórínís tabady. Mūndaı qūqyq būzushylyqtar qoǵamda teńsízdík tuyndatyp, azamattardyń memlekettík organdarǵa degen senímín álsíretedí.
Qazírgí uaqytta sybaılas jemqorlyqtyń aldyn alu maqsatynda memlekettík qyzmettí tsıfrlandyru, ashyqtyq pen eseptílíktí arttyru, memlekettík qyzmetterdí elektrondyq formatta kórsetu keńínen engízílude. Būl sharalar memlekettík qyzmet kórsetu barysynda adam faktoryn azaıtyp, sybaılas jemqorlyq táuekelderín tómendetuge múmkíndík beredí.
Sondaı-aq, qoǵamda sybaılas jemqorlyqqa qarsy mádenıettí qalyptastyru mańyzdy ról atqarady. Būl baǵytta aqparattyq-túsíndíru jūmystary júrgízílíp, azamattardyń qūqyqtyq sauattylyǵyn arttyruǵa kóńíl bólínude. Ásírese jastar arasynda adaldyq pen ádíldík qaǵıdattaryn nasıhattau – bolashaqta jemqorlyqsyz qoǵam qalyptastyrudyń negízí.
Sybaılas jemqorlyqqa qarsy kúres – tek memlekettík organdardyń míndetí ǵana emes. Būl – búkíl qoǵamnyń ortaq ísí. Árbír azamat zań talaptaryn saqtap, jemqorlyqqa tózbeushílík tanytu arqyly qoǵamnyń damuyna óz úlesín qosa alady.
Sondyqtan sybaılas jemqorlyqqa qarsy ís-qımyldy kúsheıtu, adaldyq pen ádíldík qūndylyqtaryn nyǵaıtu – elímízdíń tūraqty damuy men jarqyn bolashaǵyn qamtamasyz etudíń mańyzdy sharty bolyp qala beredí.
Almaty bólímshelík
kólíktegí sanıtarıyalyq-epıdemıologıyalyq
baqylau basqarmasynyń bólím basshysyK.Djubanysheva