Aǵymdaǵy jyldyń 2 sáuírínde Qazaqstan Respublıkasynyń Bas Prokurory B. Asylovtyń tóraǵalyǵymen qylmystyq-atqaru júıesínde (QAJ) zańdylyqty qamtamasyz etu máselelerí boıynsha alqa otyrysy ótkízíldí.
Otyrysqa Prezıdent Ákímshílígíníń ókílderí, Parlament Májílísíníń deputattary, íshkí íster, eńbek jáne halyqty áleumettík qorǵau, qarjy, densaulyq saqtau, ūlttyq ekonomıka, ónerkásíp jáne qūrylys mınıstrlíkteríníń basshylary qatysty.
2025 jylǵy 23 mausymda qūqyq qorǵau organdarynyń keńeıtílgen alqa otyrysynda Memleket basshysy bergen tapsyrmalardyń oryndalu barysy qaraldy, onyń íshínde QAJ-dy reformalau, ınfraqūrylymdy jańartu, sottalǵandardy qaıta tárbıeleu men olardyń qoǵamǵa beıímdelu máselelerí talqylandy.
QAJ-da zańdylyqty qamtamasyz etu, penıtentsıarlyq mekemelerdí jańǵyrtu, medıtsınalyq qamtamasyz etu, sottalǵandardy eńbekpen qamtu jáne olardy qaıta áleumettendíru máseleleríne erekshe nazar audaryldy.
Penıtentsıarlyq júıede azaptau faktíleríníń tírkeluí aıtarlyqtaı tómendegení atap ótíldí (2023 jyly 26 faktíden 2025 jyly 3 faktíge deıín).
Shartty túrde merzímínen būryn bosatu jáne jazanyń ótelmegen bólígín neǵūrlym jeńíl jaza túríne auystyru tájírıbesí jaqsardy.
Sottalǵandardy eńbekpen qamtu kórsetkíshí artty (50%-dan 70%-ǵa deıín).
Probatsıya esebínde tūrǵandar arasynda qaıtalama qylmys deńgeıí 20%-ǵa tómendedí.
Almaty qalasynda QAJ komıtetí jeke ınvestordyń qatysuymen halyqaralyq standarttarǵa sáıkes keletín kámeletke tolmaǵan qūqyq būzushylarǵa arnalǵan mekeme saldy.
Óńírlerdíń ákímdíkterímen ózara ís-qımyl ayasynda túzeu mekemeleríndegí bírqatar tūrǵyn úı-jaılarǵa jóndeu jūmystary júrgízíldí. Sondaı-aq olardyń aumaǵynda 12 óndírístík angar salu jobasy íske asyryluda.
Otyrys qorytyndysy boıynsha aldaǵy kezeńge arnalǵan basym míndetter aıqyndaldy.
Halyqaralyq tájírıbení eskere otyryp, jeke ınvestorlardy tartu arqyly QAJ-dyń jańa mekemelerín salu josparlanuda. Būl rette jobalar qūnynyń 30%-dan aspaıtyn bólígí memleket esebínen qarjylandyrylyp, qalǵan bólígí jeke kapıtal esebínen jabylyp, keıín olardyń shyǵyndary óteletín bolady.
Qūrylys qūnyn tómendetu maqsatynda zamanauı qūrylys materıaldary men qauípsízdíktí qamtamasyz etudíń jańa tehnologıyalaryn eskeríp, qoldanystaǵy normatıvterdí qaıta qarau josparlanuda.
Būl byudjet júktemesín azaıtyp, sottalǵandardy ūstau jaǵdaılaryn jaqsartuǵa múmkíndík beredí.
Bas Prokuror zań būzǵan tūlǵalar qoǵamnan shettetílmeuí tıís ekenín atap óttí. Memlekettíń míndetí – olardy zańǵa baǵynatyn árí qoǵamǵa paıdaly azamattar retínde qaıta qalyptastyru.
Búgínde 30 myń sottalǵannyń árbír úshínshísí būryn bas bostandyǵynan aıyru jazasyn ótegen. Óz kezegínde bír sottalǵandy ūstauǵa memleketten jylyna 3 mıllıon teńgege deıín qarjy bólínedí.
Halyqaralyq tájírıbení eskersek,olardy eńbekpen qamtu jáne tabysty áleumettík beıímdeu neǵūrlym tıímdí bolyp tabylady.
Osyǵan baılanysty Bas prokuratura zańnamaǵa ózgeríster engízudí ūsyndy, oǵan sáıkes qaıta áleumettendíru funktsıyalary ákímdíkterge berílíp, al būl jūmysty úılestíru Eńbek jáne halyqty áleumettík qorǵau mınıstrlígíne júkteledí. Atalǵan bastamany mınıstrlík qoldady.
Ūsynylǵan tásílderdí íske asyru áleumettík beıímdeudíń bíryńǵaı tetígín qalyptastyryp, qoǵamdyq qauípsízdík deńgeıíne oń áser etedí.
Prokuratura organdary qyzmetíníń negízgí baǵyty árdaıym azamattardyń konstıtutsıyalyq qūqyqtaryn qorǵauǵa, qūqyq qorǵau organdarynyń kúsh-jígerín qylmystylyqtyń júıelí táuekelderín tómendetu maqsatynda úılestíruge jáne qūqyq būzushylyqtardy aldyn aluǵa baǵyttalǵan.