Almaty Ortalyq Azıyadaǵy eń tartymdy turıstík baǵyttardyń bírí retíndegí mártebesín nyǵaıtyp, turıster legíníń tūraqty ósímín kórsetíp keledí, – dep habarlaıdy aqshamnews.kz tílshísí.
2025 jyly qalaǵa 2 487 889 adam kelgen, būl 2024 jylmen salystyrǵanda 6,3%-ǵa artyq (1 729 601 adam). Onyń íshínde 754 myńǵa juyǵy sheteldík turıster, olardyń sany 9,9%-ǵa artqan. Al íshkí turıster 1,7 mln-ǵa jetíp, ósím 4,8% boldy.
Turısterdíń kóbeyuí baǵytqa degen qyzyǵushylyqtyń jáne onyń ekonomıkalyq mańyzynyń da artqanyn ańǵartady. Mastercard Tourism Insights derekteríne sáıkes, Almatyda sheteldík turısterdíń shyǵyny 40%-ǵa artqan, al saparǵa degen qyzyǵushylyq 73%-ǵa ósken.

Shahardyń tartymdylyǵy halyqaralyq deńgeıde de moıyndalyp otyr. Almaty 2025 jylǵa arnalǵan CNN Travel nūsqasy boıynsha álemdegí úzdík turıstík baǵyttardyń qataryna eníp, Ortalyq Azıyanyń «Capital of Cool» qalasy atandy. Sonymen qatar Bloomberg nūsqasy boıynsha 2026 jyly baruǵa ūsynylatyn úzdík 25 baǵyttyń tízímíne kírdí.

Qalada Almaty tau klasterín, ískerlík jáne oqıǵalyq turızmdí damytu, sondaı-aq halyqaralyq deńgeıde qala brendín nyǵaıtu baǵytynda júıelí jūmystar qolǵa alynǵan.