Pavlodar oblysynda bıyl “SOS” dabyl túımelerí arqyly tūrǵyndardan 29 ótínísh tústí, dep habarlaıdy aqshamnews.kz tílshísí.
Tótenshe jaǵdaılarda jedel kómek shaqyruǵa arnalǵan qauípsízdík júıesíníń mańyzdy elementteríníń bírí – “SOS” dabyl túımelerí. Olar qoǵamdyq tártíptí qamtamasyz etu boıynsha míndetterdí tıímdí sheshuge múmkíndík beredí.
Beınekamera arqyly beınetúsírílím júrgízíledí, al ornatylǵan dınamıkter polıtsıya qyzmetkeríne azamatpen audıobaılanys ornatuǵa múmkíndík beredí.
Pavlodar qalasynda demalys oryndary men adam kóp jınalatyn aumaqtarda polıtsıyany jedel shaqyruǵa arnalǵan 20 arnaıy “SOS” dabyl túımesí ornatylǵan. Qūqyqqa qaıshy áreketter nemese tótenshe jaǵdaılar tuyndaǵan kezde azamattar qūrylǵydaǵy túımení basu arqyly polıtsıyanyń jedel basqaru ortalyǵynyń qyzmetkerímen ís júzínde bírden baılanysa alady.
Jyl basynan berí “SOS” túımelerí arqyly oblys tūrǵyndarynan 29 ótínísh kelíp túsken. Negízgí shaqyrtular ákímshílík sıpattaǵy qūqyq būzushylyqtarǵa baılanysty. Olardyń qatarynda tynyshtyqty būzu, kóshede mas kúıínde júru, qoqys tastau, jol júrísí qaǵıdalaryn būzu jáne basqa da qūqyq būzushylyqtar bar.
Qūqyq būzushylarmen profılaktıkalyq jūmystar júrgízílíp, sondaı-aq ákímshílík sıpattaǵy tıístí sharalar qabyldanady.
Polıtsıya qyzmetkerlerí qala tūrǵyndaryn qylmysqa nemese qūqyq būzushylyqqa kuá bolǵan jaǵdaıda, kúdíktí adamdy nemese kólík qūralyn mas kúıínde basqaryp kele jatqan júrgízushíní baıqasańyz, polıtsıyaǵa dereu habarlauǵa shaqyrady. Mūndaı qūrylǵylardy paıdalanu azamattardyń qauípsízdígí men tynyshtyǵyn barynsha qysqa merzímde qamtamasyz etuge múmkíndík beredí.