Auyl tūrǵyny ıtíníń mínez-qūlqy ózgeríp, agressıvtí bola bastaǵanyn baıqap, veterınarlarǵa júgíngen, – dep habarlaıdy aqshamnews.kz tílshísí "Jetínshí" arnaǵa sílteme jasap.
Soltústík Qazaqstan oblysy Esíl audanyna qarasty Amangeldí auylynda qūtyru deregí tírkeldí.
Oqıǵa ornyna kelgen mamandar taldau úshín synama alyp, zertteu júrgízgen. Saraptama nátıjesí januardyń qūtyru jūqtyrǵanyn rastady. Alaıda ınfektsıyanyń naqty qaıdan jūqqany ázírge belgísíz. Mamandar auru jabaıy januarlardan tarauy múmkín dep boljap otyr.
Qauíptíń aldyn alu maqsatynda eldí mekende karantındík shekteuler engízíldí. Atap aıtqanda, januarlardy satuǵa jáne auyl aumaǵynan shyǵaruǵa uaqytsha tyıym salyndy. Jyl basynan berí óńírde ıt qapqan 200-den astam adam tírkelgen.
Veterınarıya basqarmasynyń málímetínshe, shekteu sharalary engízílgennen keıín dezınfektsıya jáne januarlardy vaktsınatsıyalau jūmystary bastalǵan.
"Qazírdíń ózínde 45 januarǵa ekpe salynǵan. Onyń íshínde 36 írí qara, bír ıt jáne segíz mysyq bar", – dedí veterınarıya basqarmasy.