Syrtqy íster mınıstrlígí Polsha aumaǵynda Qazaqstan azamaty Ekaterına Shılovanyń qaza tapqanyn rastady, dep habarlaıdy Aqshamnews.kz tílshísí.
Qazaqstannyń Syrtqy íster mınıstrlígí Polshada Qazaqstan azamaty Ekaterına Shılovanyń qaza bolǵany turaly aqparatty resmı túrde rastady. Vedomstvo marqūmnyń tuǵan-tuystary men jaqyndaryna kóńíl aıtty.
Mınıstrlík málímetínshe, Qazaqstannyń Polshadaǵy Elshílígí qaza tapqan azamattyń jaqyndarymen jáne Polsha tarapynyń qūzyrly organdarymen tūraqty baılanysta otyr.
«Qazaqstan Respublıkasynyń Polshadaǵy Elshílígí qaza tapqan azamattyń jaqyndarymen, sondaı-aq Polsha tarapynyń qūzyrly organdarymen tūraqty baılanysta. Elshílík konsuldyq-qūqyqtyq máseleler boıynsha, sonyń íshínde marqūmnyń denesín Otanyna jetkízu ísínde qajettí kómek kórsetíp jatyr. Atalǵan másele mınıstrlíktíń baqylauynda», – delíngen vedomstvo habarlamasynda.
Eske salaıyq, būǵan deıín Polshada jūmys ístep júrgen Ekaterına Shılovanyń habar-osharsyz ketkení turaly aqparat taraǵan edí. Belgílí bolǵandaı, ol 18 aqpanda Varshavadan Astanaǵa ūshatyn ūshaqqa bılet alǵan, alaıda sol reıske mínbegen.
Sondaı-aq onyń sońǵy jazbalarynyń bírínde Astanaǵa ūshpaǵanyn, Germanıyadaǵy qūrbysynyń jūmys ūsynuyna baılanysty josparyn ózgertkenín aıtqany habarlanǵan.