Almatyda 14 nauryz kúní Kórísu kúníne oraı Kóktóbede merekelík kontsert ūıymdastyrylady, dep habarlaıdy Aqshamnews.kz tílshísí.
Almaty qalasynyń tūrǵyndary men qonaqtary 14 nauryz kúní Kóktóbede ótetín Kórísu kúní merekesíne shaqyrylady. Ís-shara saǵat 12:00-de bastalady.
Merekelík baǵdarlama ayasynda kópshílíkke arnaıy kontserttík kesh ūsynylady. Sahnada Aıgúl Qosanova, Mádına Sáduaqasova, «Alatau serílerí» toby, KeshYOU, «Made in KZ» toby, «Tūmar» toby, Alatau dástúrlí óner teatrynyń artısterí men «Saltanat» memlekettík bı ansamblíníń ónerpazdary óner kórsetedí.
Ūıymdastyrushylardyń málímetínshe, Kórísu kúníne oraı 14 nauryzda saǵat 10:00-den 15:00-ge deıín Kóktóbege aparatyn aspaly jol tegín qyzmet kórsetedí. Aspaly jol Dostyq dańǵyly, 104B mekenjaıynda ornalasqan.
Merekelík shara ayasynda almatylyqtar men qala qonaqtary ūlttyq meıramnyń erekshe atmosferasyn sezíníp, otandyq óner jūldyzdarynyń kontsertín tamashalaı alady.