Qazaqstandyq tennısshí Elena Rybakına AQSh-tyń Indıan-Uells turnıríníń jartylaı fınalyna shyǵyp, WTA live-reıtıngínde ekínshí orynǵa kóteríldí, dep habarlaıdy Aqshamnews.kz tílshísí.
Būl ózgerís onyń AQSh-ta ótíp jatqan Indıan-Uells turnıríníń jartylaı fınalyna shyǵuynan keıín boldy. Atalǵan kezdesude Rybakına amerıkalyq Djessıka Pegulany (álemníń 5-raketkasy) 6:1, 7:6 esebímen jeńdí.
Al būǵan deıín reıtıngtíń ekínshí satysynda tūrǵan polkalyq Iga Shventek ukraınalyq Elına Svıtolınadan (9-oryn) jeńílíp, jarysty jalǵastyra almady.
Endí Rybakına jartylaı fınal joldamasy úshín emes, fınalǵa shyǵu jolynda dál osy Elına Svıtolınamen kezdesedí.
Qazírgí live-reıtıng boıynsha Elena Rybakınanyń enshísínde 7523 ūpaı bar. Al reıtıngtíń kóshín 10415 ūpaımen Arına Sobolenko bastap tūr.
Aıta keteıík, Elena Rybakına ekí bírdeı Grand Slam turnıríníń jeńímpazy sanalady. Ol 2022 jyly Uımbldonda jáne 2026 jyly Australian Open turnırínde top jarǵan.