Almatynyń Alatau audanynda qymbat avtokólíkterdíń búıír aınalaryn ūrlady degen kúdíkpen 36 jastaǵy er adam ūstaldy, dep habarlaıdy Aqshamnews.kz tílshísí.
Alatau audandyq polıtsıya basqarmasynyń kezekshí bólímíne jergílíktí tūrǵynnan aryz túsken. Onyń aıtuynsha, belgísíz adam Zerdelí shaǵynaudanyndaǵy úılerdíń bíríníń aulasynda tūrǵan Toyota Land Cruiser kólígíníń búıír aınalaryn jasyryn túrde ūrlap ketken. Keltírílgen shyǵyn shamamen bír mıllıon teńgení qūraǵan.
Jedel-ízdestíru sharalary barysynda krımınaldyq polıtsıya qyzmetkerlerí 36 jastaǵy kúdíktíní anyqtap, qolǵa túsírdí. Ol óz kínásín moıyndap, túsíníkteme bergen.
Polıtsıya qyzmetkerlerí ūrlanǵan búıír aınalardy tárkílep, olardy ís boıynsha aıǵaq zat retínde tírkedí.
Alatau audandyq polıtsıya basqarmasy bólímíníń bastyǵy Dáuren Kerímbaevtyń aıtuynsha, tergeu barysynda kúdíktíníń qala aumaǵynda jasalǵan basqa da osyndaı ūrlyqtarǵa qatysy boluy múmkín ekení anyqtalyp jatyr.