Nauryzbaı audanynda áleumettík ınfraqūrylymdy damytu jūmystary íske asyp jatyr. Aldaǵy jyldary jańa mektepter, balabaqshalar men emhanalar salynyp, audan tūrǵyndary úshín qyzmet jaǵy álí de qoljetímdí bola túspek. Óńírlík kommunıkatsıyalar qyzmetíníń baspasóz konferentsıyasynda Nauryzbaı audanynyń ákímí Nazıra Toǵyzbaeva osylaı dep málímdedí.
2024–2025 oqu jylynda Nauryzbaı audanynda áleumettík ınfraqūrylym boıynsha bíraz joba júzege aspaq. Qazír audanda 33 000 oqushy tírkelgen. «Jaıly mektep» jobasy ayasynda jańa bílím beru nysandary ashylyp, jyl sońyna deıín «Nūrly Dala» tūrǵyn úı keshenínde 1500 oryndyq jańa mektep íske qosylady. Sonymen qatar, «Elímaı» tūrǵyn úı keshení, Qūramys pen Shūǵyla shaǵyn audanynda úsh mektep salynyp jatyr. Sonyń arqasynda audanda 6000-nan astam jańa oqushy orny paıda bolmaqshy.
«Jańa bílím beru nysandaryn ashu – bízdegí basym baǵyttyń bírí. Balalarymyz sapaly bílím aluy úshín osy zamanǵy árí qolaıly ınfraqūrylym jasauymyz qajet», - dep atap óttí Nazıra Toǵyzbaeva.
Bıyl qyrkúıekte Shūǵyla shaǵyn audanynda 320 oryndyq balabaqsha ashylady. Sondaı-aq, 2025 jyldyń sońyna deıín taǵy úsh balabaqsha salynyp bítpekshí. Árqaısysy 320 orynǵa arnalǵan olardyń ekeuí – Qūramys pen Shūǵyla shaǵyn audanynda, Qalqaman shaǵyn audanynda 240 oryndyq balabaqsha taǵy salynady.
«Mektepke deıíngí bílím berudí damytu – balalarymyzǵa qolaıly jaǵdaı jasau úshín kerek. Ár balanyń jańa da jaıly balabaqshaǵa baruyna múmkíndík jasau úshín jūmys ístep jatyrmyz», - deıdí audan ákímí.
Densaulyq saqtau salasynda da mańyzdy jūmystar qolǵa alynǵan. 2025 jyldyń shíldesínde Qūramys shaǵyn audanynda kúníne 500 adamdy qabyldaı alatyn emdík-dıagnostıkalyq ortalyǵy bar emhananyń qūrylysy bastaldy. Sonymen qatar, Aqjar shaǵyn audanynda 200 adamǵa arnalǵan alǵashqy medıtsınalyq-sanıtarlyq kómek ortalyǵynyń qūrylysyna arnalǵan memlekettík saraptamanyń qorytyndysy qazan aıynda shyǵyp qalady.
«Bílím beru men densaulyq saqtau – bízdíń jūmysymyzdyń negízgí ekí baǵyty. Jańa mektepter, balabaqshalar men medıtsınalyq mekemelerdíń salynuy audan tūrǵyndarynyń ómír sapasyn arttyruǵa yqpal etedí», - dedí Nauryzbaı audanynyń ákímí Nazıra Toǵyzbaeva.
Sondaı-aq, Nauryzbaı audanynda ekí dene shynyqtyru-sauyqtyru kesheníníń qūrylysy josparlanyp otyr. Shūǵyla shaǵyn audanynda nysannyń 2026 jyldyń tamyzynda paıdalanuǵa berílmek, al Aqjar shaǵyn audanynda qūrylys jūmystary qyrkúıek aıynda bastalady. Qazír jobalyq-smetalyq qūjattamanyń ázírlenuí ayaqtalyp qaldy, shílde aıynyń sońyna deıín memlekettík saraptamanyń qorytyndysy shyǵuy kerek.
