Almaty ákímí Darhan Satybaldy «Atameken» Ūlttyq kásípkerler palatasy prezıdıumynyń tóraǵasy Qanat Sharlapaevpen kezdestí. Kezdesu barysynda megapolıstegí kásípkerlíktí damytu, ískerlík ahualdy jaqsartu jáne bızneske qoldau kórsetu máselelerí talqylandy, – dep habarlaıdy aqshamnews.kz tílshísí.
Darhan Satybaldynyń aıtuynsha, shaǵyn jáne orta bıznes qala ekonomıkasynda mańyzdy ról atqarady. Búgínde Almatyda 400 myńǵa juyq kásípkerlík subektísí jūmys ísteıdí, onda bír mıllıonnan astam adam eńbek etedí. Onyń aıtuynsha, shaharda kásípkerlíkpen aınalysuǵa qolaıly jaǵdaı jasau — ákímdík qyzmetíníń basym baǵyttarynyń bírí.
Óz kezegínde «Atameken» ŪKP prezıdıumynyń tóraǵasy Qanat Sharlapaev Almaty elímízdegí kásípkerlíktí damytudaǵy negízgí ortalyqtardyń bírí ekenín atap, qalanyń, ásírese turızm salasynda odan árí damuǵa aıtarlyqtaı áleuetí bar ekenín jetkízdí.
Kezdesu qorytyndysy boıynsha taraptar Almatyda qolaıly ískerlík orta qalyptastyru jáne kásípkerlíktíń tūraqty damuyn qamtamasyz etu úshín memlekettík organdar men bıznes qauymdastyǵy arasyndaǵy ózara yntymaqtastyqty odan árí nyǵaıtudyń mańyzdylyǵyna nazar audardy.