Qaraǵandynyń «Shahtór» klýby resmı túrde Freedom Holding Corp kompanıasynyń menshigine ótti, dep habarlaıdy Aqshamnews.kz tilshisi. Holdıń basshysy – qazaqstandyq kásipker Tımýr Týrlov.
Jańa ıeler Qaraǵandy oblysynda fýtboldyń tolyqqandy ekojúıesin qurýdy josparlap otyr. Jobaǵa jalpy 18,5 mlrd teńge bólinedi: onyń 12 mlrd teńgesi jańa fýtbol akademıasynyń qurylysyna, 6,5 mlrd teńgesi buqaralyq jáne jastar fýtbolyn damytýǵa baǵyttalady.
Qaraǵandy oblystyq fýtbol qaýymdastyǵynyń prezıdenti Tımýr Týrlovtyń qoldaýymen birneshe bastama iske asyp jatyr:
-
«ALǴA!» mektep jobasy – 2029 jylǵa deıin 40 myńnan astam oqýshy men 3600 stýdentti qamtý, 100-den astam mektepte fýtbol baǵdarlamasyn engizý;
-
Freedom BFL resmı jastar lıgasy;
-
«Shahtór» fýtbol akademıasynyń qurylysy;
-
óńirlik fýtboldy keshendi damytý strategıasy.
Jańa akademıa shamamen 10 gektar aýmaqta salynyp, jyl boıy jumys isteıtin jabyq arena, tolyq ólshemdi jattyǵý alańy, eki qabatty ákimshilik-turmystyq keshen, medısına ortalyǵy, baseın, saýna, asqana jáne stýdentterge arnalǵan jataqhanadan turady.
Sonymen qatar jattyqtyrýshylardy daıarlaýǵa erekshe mán berilip, olarǵa halyqaralyq tájirıbe almasýǵa jáne ÝEFA lısenzıalaryn alýǵa múmkindik jasalady. Fýtbol ınfraqurylymy qalada ǵana emes, aýyldyq eldi mekenderde de damytylady.