Búgín Qazaqstan Respublıkasy Parlamentíníń Senatynda «Qazaqstan Respublıkasynyń keıbír zańnamalyq aktíleríne azamattyq qorǵau, elektr energetıkasy jáne memlekettík múlíktí basqaru máselelerí boıynsha ózgeríster men tolyqtyrular engízu turaly» zańdy talqylau boıynsha plenarlyq otyrys óttí.
Zań azamattyq qorǵau júıesín keshendí jetíldíruge, azamattyq qorǵau organdary qyzmetkerleríníń áleumettík jáne qūqyqtyq mártebesín jaqsartuǵa, órt jáne ónerkásíptík qauípsízdík salasyndaǵy normalardy ózektendíruge, azamattyq qorǵanys tetíkterín damytuǵa jáne tótenshe jaǵdaılardyń aldyn alu men olardy joyu jóníndegí sharalardyń tıímdílígín arttyruǵa baǵyttalǵan, dep habarlaıdy aqshamnews.kz.
Zań qauíp-qaterlerge den qoyudyń qūqyqtyq jáne ūıymdastyrushylyq negízín kúsheıtuge múmkíndík beredí, Qazaqstan Respublıkasynda azamattyq qorǵau júıesíníń ornyqty jūmys ísteuí úshín jaǵdaı jasaıdy.
Zań Memleket basshysyna qol qoyuǵa engízíletín bolady.
Zańda órt jáne ónerkásíptík qauípsízdík, azamattyq qorǵanys jáne seısmıkalyq qauípsízdík salasyndaǵy jekelegen talaptar kúsheıtíldí. Zańnamadaǵy negízgí ózgeríster:
Órt qauípsízdígí: Endí bıíktígí 28 metrden asatyn adamdar kóp baratyn obektíler men ǵımarattar paıdalanuǵa berílgen kezde TJM órt qauípsízdígí talaptaryna sáıkestígí turaly qorytyndy beredí. Órt saldarynan úshínshí tūlǵalarǵa zıyan keltírílgen jaǵdaıda, adamdar kóp baratyn obektíler ıeleríníń azamattyq-qūqyqtyq jauapkershílígín saqtandyru júıesí engízílude.
Eríktí órtke qarsy qūralymdar: Zań eríktílerdíń jaraqattanuy nemese qaza tabuy kezínde tólemderdí belgíleıdí, sondaı-aq olardyń jalaqysyn saqtaıdy jáne órttí sóndíru kezeńínde negízgí eńbek míndetterínen bosatady.
Ónerkásíptík qauípsízdík: TJ mınıstrlígíne qauíptí óndírístík obektílerdí jańartu men tehnıkalyq qaıta jaraqtandyrudyń jıyntyq josparyn, sondaı-aq paıdaly qazbalardy óndíru boıynsha tau-ken jūmystarynyń josparyn kelísu ókílettíkterí beríledí. Kásíbı avarıyalyq-qūtqaru qyzmetterín ǵımarattar men qūrylystardyń mamandandyrylǵan keshenímen, oqu-jattyǵu polıgonymen, shań-gaz taldau zerthanasymen, arnaıy tehnıkamen jáne jabdyqpen jaraqtandyru talaptary engízíledí. Sonymen bírge qauíptí óndírístík obektílerge qatysty memlekettík baqylau men qadaǵalaudy júzege asyrudyń erekshe tártíbí engízílude.
Seısmıkalyq qauípsízdík: obektíler men ınfraqūrylymnyń seısmıkalyq áserlerge tūraqtylyǵyn arttyru maqsatynda zańǵa seısmıkalyq qauípsízdíkke qatysty normalar engízíldí.
Azamattyq qorǵanys: jyljymaıtyn múlík obektísí retínde qūqyqtyq kadastrda qorǵanysh qūrylystaryn tírkeu engízílude. Halyqty qorǵau úshín túrlendírílgen jerasty parkıngterí men jertólelerdí qosa alǵanda, «qarapaıym pana» degen jańa túsíník engízílude. QR Prezıdentíne baǵynatyn jáne esep beretín memlekettík organdarǵa azamattyq qorǵanys ís-sharalaryn oryndau boıynsha ókílettíkter beríledí.
Memlekettík baqylau: TJ mınıstrlígíne ortalyq memlekettík organdar men ákímdíkterge qatysty tótenshe jaǵdaılardyń aldyn alu jóníndegí baqylau funktsıyasy beríledí.
Qyzmetkerlerdí áleumettík qorǵau: azamattyq qorǵau organdarynyń qyzmetkerlerín basqa óńírlerge rotatsıyalau kezínde tūrǵyn úı tólemderí men qosymsha tólemder engízíledí. Tótenshe jaǵdaı kezeńínde, sondaı-aq tabıǵı jáne tehnogendík sıpattaǵy tótenshe jaǵdaı jarıyalanǵan jerlerde míndetterdí oryndau kezínde úsh ese mólsherde ústemeaqy belgílenedí jáne sanatorıı-kurorttyq emdeumen qamtamasyz etíledí. Būl sharalar qyzmetkerlerdíń áleumettík jaǵdaıyn jaqsartuǵa jáne bílíktí mamandardy tartuǵa baǵyttalǵan.