Joǵary audıtorlyq palata "Samūryq-Qazyna" AQ-daǵy audıttí ayaqtady, - dep habarlaıdy aqshamnews.kz tílshísí Tengrinews.kz-ke sílteme jasap.
Tekserís barysynda qordyń korporatıv ortalyq retíndegí qyzmetí, sondaı-aq, "Qazatomónerkásíp", Samruk-Kazyna Ondeu jáne basqa da bírqatar kompanıya qamtylǵan. Jalpy 18 zańdy tūlǵaǵa audıt júrgízílgen.
"2024 jyldyń qorytyndysy boıynsha qordyń kompanıyalar tobynyń kírísí 16,5 trln teńge, al holdıngtíń kompanıyalar tobynyń taza paıdasy 2,4 trln teńge boldy. Audıt qamtyǵan kezeńde holdıng memleketke 2,37 trln teńge tólegen, onyń 779,9 mlrd teńgesí dıvıdendter túrínde, 1,6 trln teńgesí aktıvterdí básekelestík ortaǵa beru esebínen audaryldy. Qor qosymsha taǵy 673 mlrd teńgege QR Prezıdentí men Úkímetíníń tapsyrmalaryn íske asyrdy", - dep jazylǵan habarlamada.
Ne anyqtaldy?
Audıtorlar qordyń kompanıyalar tobyndaǵy strategıyalyq josparlau men basqarudaǵy kemshílíkterín anyqtaǵan.
"2018-2021 jyldarǵa arnalǵan qordy transformatsıyalau baǵdarlamasynyń 8 kompanıyany sheteldík analogtardyń tıímdílík deńgeıíne shyǵaru maqsaty oryndalmaǵan. Baǵdarlamadan túsken naqty paıda kólemí - 154,5 mlrd teńge, yaǵnı josparlanǵan mólsherden ekí ese tómen. Qordaǵy korporatıv basqaru deńgeıíníń jetkílíksízdígí baıqaldy. Strategıyalyq qūjattardy tıísínshe ázírlemeu, josparly kórsetkíshterdí tómendetu tírkelgen, holdıngtíń damu jospary oryndaluyna baqylaudy kúsheıtu qajet. 7 aqparattyq júıeníń íshínde qor tek 4 júıení paıdalanady", - dep jazylǵan habarlamada.
Audıtorlar málímetínshe, basqarushylyq esep júıesí (SAP BPC) dūrys jūmys ístemeıdí, al bírqatar kompanıya boıynsha qarjylyq esep qolmen júrgízíledí.
"Samūryq-Qazynada" íshkí normatıvtík qūjattardy júıeleuge jetkílíktí kóńíl bólínbeıdí. Olardyń shamamen 15%-y qoldanylmaıdy, qaıta qaraudy nemese kúshín joyudy talap etedí. "Samūryq-Qazyna" AQ dırektorlar keńesí janyndaǵy 5 komıtettíń 3-euí (Strategıya jóníndegí, Transformatsıya baǵdarlamasynyń oryndaluyn baqylau jóníndegí, Mamandandyrylǵan komıtet) jūmys ístemeıdí. Al qor basqarmasy janyndaǵy 7 komıtettíń 2024 jyldan berí 2-euí (Jańǵyrtu jáne Tūraqty damu jóníndegí) jūmys ístemeıdí. Nátıjesínde holdıngtíń qūrylymy tym kúrdelí kúıge jetken", - dep jazylǵan habarlamada.
Qor tobyna 6 deńgeıge bólíngen 326 kompanıya kíredí.
"2020-2024 jyldary qor tobynda 23 belsendí emes kompanıya bolǵan, al 2024 jyldyń qorytyndysy boıynsha 41 kompanıya jyldy shyǵynmen ayaqtaǵan. Būl aktıvter qūrylymyn ońtaılandyrudyń jáne olardy tıímdí basqarudyń mańyzdy áleuetín kórsetedí. Sondaı-aq, ınvestıtsıyalyq jobalardyń íske asyryluyn baqylaudy túbegeılí kúsheıtu qajet, sebebí 2020 jyldan 2024 jylǵy 30 qyrkúıekke deıín qor tobynyń 175 jobasynyń 49-y ǵana ayaqtalǵan", - dep jazylǵan habarlamada.
Jalpy audıt qorytyndysy boıynsha:
- 351,8 mln teńge kólemínde qarjylyq zańbūzushylyqtar;
- 122,2 mlrd teńge somasynda tıímsíz josparlau jáne qarajatty paıdalanu deregí anyqtalǵan;
- 119 júıelík kemshílík tírkeldí.
Bírqatar materıal ákímshílík ís qozǵau úshín joldandy, al anyqtalǵan keıbír íster boıynsha materıaldar qūqyq qorǵau organdaryna jíberíldí.